जिल्ह्यात फौजदारी प्रक्रिया संहिता 1973 चे कलम 144 ची मुदत 17 मे पर्यंत वाढविली

जिल्ह्यात फौजदारी प्रक्रिया संहिता 1973 चे कलम 144 ची मुदत 17 मे पर्यंत वाढविली

परभणी / सोनपेठ (दर्शन) :- 

कोरोना विषाणूचा प्रादुर्भाव रोखण्यासाठी प्रतिबंधात्मक उपाययोजना म्हणून परभणी जिल्हयात फौजदारी प्रक्रिया संहिता 1973 चे कलम 144 ची मुदत रविवार दि. 17 मे  2020 पर्यंत वाढविली असल्याबाबतचे आदेश जिल्हादंडाधिकारी दी.म. मुगळीकर यांनी जारी केले आहेत.

             जिल्हादंडाधिकारी तथा जिल्हाधिकारी कार्यालयाने फौजदारी प्रक्रिया दंड संहिता 1973 च्या कलम 144 प्रमाणे मनाई आदेश जारी करण्यात आले होते. राज्य शासनाने दि.2 मे 2020 रोजीच्या आदेशाव्दारे दि . 17 मे 2020 पर्यंत लॉक डाऊन आदेश जारी केले आहेत. त्याअर्थी  जिल्हादंडाधिकारी तथा जिल्हाधिकारी कार्यालयाने दि . 22 मार्च 2020 व त्यानंतर वेळोवेळी काढलेल्या आदेशाचा कालावधी दि. 17 मे 2020 पर्यंत वाढविण्यात आला आहे. तसेच ज्या बाबींना, आस्थापनांना व अत्यावश्यक सेवेला सूट दिलेली आहे. त्या आस्थापना दररोज सकाळी 7  ते दुपारी 2 वाजेपर्यंतच्या कालावधीत सुरु राहतील. ज्या आस्थापना व  दुकानांना सूट दिलेली नाही ती बंद राहतील. तसेच  यापूर्वी जिल्हादंडाधिकारी कार्यालयाने वेळोवेळी निर्गमित केलेले आदेश, सुधारीत आदेश व निर्देश या कालावधीत संपूर्ण जिल्हयात अंमलात राहतील. असेही आदेशात नमूद करण्यात आले आहे.

           -*-*-*-*-