परभणी कोरोनाग्रस्त 89 पैकी 50 रुग्ण बरे तर 37 जणांवर उपचार सुरू ; 117 संशयितांच्या स्वॅबचे अहवाल प्रलंबीत

परभणी कोरोनाग्रस्त 89 पैकी 50 रुग्ण बरे तर

37 जणांवर उपचार सुरू ;  117 संशयितांच्या स्वॅबचे अहवाल प्रलंबीत 

परभणी / सोनपेठ (दर्शन) :-

कोरोना विषाणुच्या प्रादुर्भावाच्या पार्श्‍वभूमीवर येथील जिल्हा शासकीय रुग्णालयातील कक्षात भरती केलेल्या कोरोना संक्रमीत 89 रुग्णांपैकी 19 जणांना प्रशासनाने शुक्रवारी (दि.5) डिस्चार्ज दिला. एकूण 50 रुग्ण बरे होवून सुट्टीवर गेले असून 37  रुग्णांवर उपचार सुरू आहेत.

नांदेड येथील प्रयोगशाळेतील प्राप्त अहवालाप्रमाणे शुक्रवारी संशयित 18 जणांचे अहवाल निगेटीव्ह आले असल्याची माहिती जिल्हा शासकीय रुग्णालयाच्या सूत्रांनी दिली.

दरम्यान, शुक्रवारी सायंकाळी पाच वाजेपर्यंत एकूण 5 संशयीत दाखल झाले असून संशयितांची संख्या 2468 पर्यंत पोचली आहे. 117 संशयितांच्या स्वॅबचे अहवाल प्रलंबीत आहेत.

एकूण 2635 पैकी 2318 जणांचे अहवाल निगेटीव्ह आले आहेत. आतापर्यंत एकूण 89 जणांचे अहवाल पॉझीटीव्ह आले आहेत. तर 77 संशयितांचे अहवाल अनिर्णायक आहेत. 34 जणांचे स्वॅब तपासणीसाठी आवश्यक नसल्याचाही अहवाल मिळाला आहे. एकूण 117 स्वॅबचे अहवाल प्रलंबीत आले आहेत.जिल्हा शासकीय रुग्णालयातून शुक्रवारी एकूण 5 जणांचे स्वॅब नांदेड येथील स्वामी रामानंद तीर्थ मराठवाडा विद्यापीठातील प्रयोगशाळेकडे पाठविण्यात आले आहेत. जिल्हा शासकीय रूग्णालयात शुक्रवारपर्यंत विलगिकरण कक्षात 437, रुग्णालयातील संसर्गजन्य कक्षात 195 जण आहेत. विलगिकरणाचा कालावधी पूर्ण झालेले 1836 जण आहेत. आतापर्यंत असलेल्या एकूण 89 पॉझीटीव्ह पैकी 50 जण बरे होवून घरी गेले आहेत. 37 रुग्णांवर उपचार सुरू आहेत, अशी माहिती जिल्हाधिकारी दिपक मुगळीकर, जिल्हा शल्यचिकित्सक डॉ.बाळासाहेब नागरगोजे यांनी दिली.सुट्टीहून घरी परतलेल्या रुग्णांत मातोश्री नगरातील 2, नागसेन नगरातील 1, त्रिमुर्ती नगरातील 2, व इटलापूर मोहल्लातील 2 तसेच परभणी तालुक्यातील कारेगावातील 2, गंगाखेड तालुक्यातील नागठाणा येथील 4, माखणी येथील 4, मैराळ सावंगी येथील 1 तर पूर्णा तालुक्यातील कमलापूर येथील 1 जणाचा समावेश आहे.