आतापर्यंत असलेल्या एकूण 89 पॉझीटीव्ह पैकी 31 जण बरे होवून घरी गेले आहेत. दोघांचा मृत्यू झाला आहे. 56 रुग्णांवर उपचार सुरू

आतापर्यंत असलेल्या एकूण 89 पॉझीटीव्ह पैकी 31 जण बरे होवून घरी गेले आहेत. दोघांचा मृत्यू झाला आहे. 56 रुग्णांवर उपचार सुरू 

परभणी / सोनपेठ (दर्शन) :-

कोरोना विषाणुच्या प्रादुर्भावाच्या पार्श्‍वभूमीवर येथील जिल्हा शासकीय रुग्णालयात गुरूवारी (दि.04) सायंकाळी सहा वाजेपर्यंत एकूण 32 संशयीत दाखल झाले असून संशयितांची संख्या 2463 पर्यंत पोचली आहे. 131 संशयितांच्या स्वॅबचे अहवाल प्रलंबीत आहेत.

एकूण 2630 पैकी 2300 जणांचे अहवाल निगेटीव्ह आले आहेत. आतापर्यंत एकूण 89 जणांचे अहवाल पॉझीटीव्ह आले आहेत. तर 77 संशयितांचे अहवाल अनिर्णायक आहेत. 33 जणांचे स्वॅब तपासणीसाठी आवश्यक नसल्याचाही अहवाल मिळाला आहे. एकूण 131 स्वॅबचे अहवाल प्रलंबीत आले आहेत.जिल्हा शासकीय रुग्णालयातून गुरूवारी एकूण 41 जणांचे स्वॅब नांदेड येथील स्वामी रामानंद तीर्थ मराठवाडा विद्यापीठातील प्रयोगशाळेकडे पाठविण्यात आले आहेत. गुरूवारी 95 जणांचे स्वॅब निगेटीव्ह व 3 रुग्णांचे स्वॅब पॉझीटीव्ह आढळून आले आहेत. जिल्हा शासकीय रूग्णालयात गुरूवारपर्यंत विलगिकरण कक्षात 463, रुग्णालयातील संसर्गजन्य कक्षात 222 जण आहेत. विलगिकरणाचा कालावधी पूर्ण झालेले 1778 जण आहेत. आतापर्यंत असलेल्या एकूण 89 पॉझीटीव्ह पैकी 31 जण बरे होवून घरी गेले आहेत. दोघांचा मृत्यू झाला आहे. 56 रुग्णांवर उपचार सुरू आहेत, अशी माहिती जिल्हाधिकारी दिपक मुगळीकर, जिल्हा शल्यचिकित्सक डॉ.बाळासाहेब नागरगोजे यांनी दिली.