१०० बेडचे नवीन ग्रामीण रुग्णालय सोनपेठ येथे तत्काळ सुरु करावे - मा. आमदार सुरेश वरपूडकर

१०० बेडचे  नवीन ग्रामीण रुग्णालय सोनपेठ येथे तत्काळ सुरु करावे - मा. आमदार सुरेश वरपूडकर

सोनपेठ (दर्शन) :-

कोरोना या वायरसच्या आजारामुळे संपूर्ण जग हतबल झालेले आहे .तीच परिस्थिती महाराष्ट्रात आहे.राज्याचे मुख्यमंत्री मा.ना.उद्धवजी ठाकरे व मा.ना.राजेश टोपे राज्याची सध्याची परिस्थिती चांगल्या प्रकारे हाताळत आहेत. त्याबद्दल मा.ना. उद्धवजी ठाकरे व मा.ना.राजेश टोपे यांचे सर्व प्रथम अभिनंदन केले .

पाथरी मतदार संघातील सोनपेठ तालुक्यात १०० बेडच्या नवीन ग्रामीण रुग्णालयाचे नुकतेच बांधकाम पुर्ण झाले आहे.तरी रुग्णालयाचे उदघाटन झालेले नाही .परिणामी या दवाखान्या साठी लागणारे डॉक्टर, नर्स , परिचर,  सफाई कर्मचारी , सेवक ई. तसेच कोणत्याही मशिनरी , फर्निचर , पलंग ई. सुविधा  अद्याप नाहीत , कोरोना या साथीच्या आजाराच्या धसक्याने  तालुक्यातील लोक  भयभित झालेले आहेत.तालुक्यातील लोकांच्या भविष्यातील अडचणीचा विचार करून ग्रामीण रुग्णालाय सोनपेठ येथे तत्काळ डॉक्टरांची संख्या वाढवून या ठिकाणी १०० बेड व इतर आवश्यक असणारी मशनरी व साहित्य त्वरित पाठवावे व ग्रामीण रुग्णालय सुरु करावे अशी विनंती परभणी जिल्हा कॉंग्रेस कामिटी चे अध्यक्ष मा. आमदार सुरेशराव वरपूडकर यांनी लेखी स्वरुपात पत्राद्वारे महाराष्ट्र राज्याचे आरोग्य मंत्री मा. ना.राजेश टोपे यांना केले आहे व तसेच परभणी जिल्हाधिकारी मा.दीपक मुगळीकर यांना सुद्धा कळविले आहे .