मराठी भाषा संवर्धन पंधरवाडा साजरा करण्याचे आवाहन

मराठी भाषा संवर्धन पंधरवाडा साजरा करण्याचे आवाहन 

नांदेड / परभणी / सोनपेठ (दर्शन)  : - 

मराठी भाषेचे वैभव जपण्यासाठी व भाषेच्या संवर्धनासाठी 1 ते 15 जानेवारी, 2020 या कालावधीत मराठी भाषा सवंर्धन पंधरवाडा साजरा करण्यात येणार आहे.

त्याअनुषंगाने राज्यातील शासकीय, निमशासकीय कार्यालये, महामंडळे, राज्यतील केंद्र शासनाच्या अखत्यारीतील सर्व कार्यालय, महामंडळे, सार्वजनिक उपक्रम, सर्व खाजगी व व्यापारी बँका, सर्व शैक्षणिक संस्था, विद्यापीठे, महाविद्यालये आदी सर्व संस्थांनी 1 ते 15 जानेवारी या कालावधीत मराठी भाषा संवर्धन पंधरवाडा साजरा करावा. मराठी भाषा विभागाचे शासन परिपत्रक  दि. 3 डिसेंबर, 2019 मध्ये नमूद केल्यानुसार कार्यक्रमाचे आयोजन करुन कार्यवाहीचा अहवाल शासनास व जिल्हाधिकारी कार्यालयास सादर करावा, असे निर्देश संबंधित विभाग प्रमुखांना जिल्हाधिकारी नांदेड यांनी दिले आहेत.