गोपीनाथ मुंडे प्रतिष्ठानच्या वतीने 11/12 डिसेंबर ला परळीतील उपजिल्हा रूग्णालयात महाआरोग्य शिबीरात सर्व आजारांची तपासणी, औषधोपचार, शस्त्रक्रिया मोफत
परळी / सोनपेठ (दर्शन) :-
लोकनेते गोपीनाथराव मुंडे यांच्या जयंतीचे औचित्य साधून परळीत येत्या ११ व १२ डिसेंबर रोजी गोपीनाथ मुंडे प्रतिष्ठान आणि राष्ट्रीय आरोग्य अभियान यांच्या संयुक्त सहकार्याने महा आरोग्य शिबीराचे आयोजन करण्यात आले आहे.लोकनेते गोपीनाथराव मुंडे यांच्या जयंतीचे औचित्य साधून गोपीनाथ मुंडे प्रतिष्ठानच्या अध्यक्षा पंकजाताई मुंडे व खासदार डाॅ प्रितमताई मुंडे यांच्या पुढाकाराने शहरातील उप जिल्हा रूग्णालयात ११ व १२ डिसेंबर दरम्यान महा आरोग्य शिबीर आयोजित करण्यात आले आहे, ११ तारखेला सकाळी ९ ते सायंकाळी ५ वा. आणि १२ तारखेला सकाळी ९ ते १२ वा. दरम्यान हे शिबीर होणार आहे. शिबीरात सहभागी होणा-या गरजू रूग्णांची सर्व आजारांची तपासणी, औषधोपचार, शस्त्रक्रिया मोफत करण्यात येणार आहे. पुरूष, स्त्री व लहान मुलांच्या विविध प्रकारच्या आजारांची तपासणी व उपचार देखील यात होणार आहेत. नेत्ररोग, मोतीबिंदू, त्वचारोग, दंतरोग, कुटूंब कल्याण शस्त्रक्रिया, अस्थिरोग, कर्करोग उपचार, रक्तदाब, मधुमेह, थायराॅईड, किडनी आदी वेगवेगळ्या आजारांची तपासणी यात होणार आहे. शिबीराचा जास्तीत जास्त गरजू रूग्णांना लाभ व्हावा यासाठी भाजपच्या कार्यकर्त्यांनी मेहनत घ्यावी तसेच सर्व गरजू रूग्णांनी देखील या दोन दिवसीय शिबिराचा लाभ घ्यावा असे आवाहन प्रतिष्ठानच्या वतीने करण्यात आले आहे.
••••
No comments:
Post a Comment