वैद्यकीय प्राणवायू उत्पादकांना वैद्यकीय क्षेत्रासाठी ८० टक्के आणि उद्योगांसाठी २० टक्के - आरोग्य मंत्री राजेश टोपे
मुंबई / परभणी / सोनपेठ (दर्शन) :-
राज्यात कोरोना रुग्णांची संख्या वाढत आहे. त्याबरोबरच रुग्णांना लागणाऱ्या वैद्यकीय प्राण वायूला (ऑक्सिजन) देखील मागणी वाढत आहे.याची तातडीने दखल घेऊन साथरोग नियंत्रण कायदा व आपत्ती व्यवस्थापन कायद्यातील तरतुदींचा वापर करीत वैद्यकीय प्राणवायू उत्पादकांना वैद्यकीय क्षेत्रासाठी ८० टक्के आणि उद्योगांसाठी २० टक्के या प्रमाणात प्राण वायू पुरवठा करण्याचे बंधनकारक करण्यात आले आहे.याची अंमलबजावणी राज्यात डिसेंबर २०२० पर्यंत लागू राहील.
यापूर्वी उद्योग क्षेत्रासाठी ५० ते ६० टक्के आणि वैद्यकीय क्षेत्रासाठी ४० ते ५० टक्के या प्रमाणात प्राण वायूचा पुरवठा केला जायचा. आता मात्र कोरोनाच्या पार्श्वभूमीवर त्यात कायद्यान्वये बदल करून पुरवठ्याचे प्रमाण ८० टक्के वैद्यकीय क्षेत्रासाठी तर २० टक्के उद्योगांसाठी असे करण्यात आले.यामुळे रुग्णांना प्राणवायूची कमतरता भासणार नाही, याची आम्ही दक्षता घेत आहोत.
No comments:
Post a Comment