कोरोनाचा उद्रेक कायम ;गुरूवारी 82 व्यक्ती कोरोनाबाधित तर एकाचा मृत्यू.....

कोरोनाचा उद्रेक कायम ;गुरूवारी 82 व्यक्ती कोरोनाबाधित तर एकाचा मृत्यू.....

परभणी /सोनपेठ (दर्शन) :-

शहरासह जिल्ह्यात गुरुवारी (दि. 11) सायंकाळी सहा वाजेपर्यंत 82 व्यक्ती कोरोनाबाधीत आढळल्या असून एका कोरोनाबाधित पुरूषाचा मृत्यू झाला आहे. कोरोनामुक्त 29 व्यक्तींना सुट्टी देण्यात आली असल्याची माहिती जिल्हा शासकीय रुग्णालयाने प्रसिध्दीपत्रकाव्दारे दिली.

रुग्णालयातील कक्षात 394 कोरोनाबाधित रुग्ण उपचार घेत आहेत. आजपर्यंत 340 कोरोनाबाधित व्यक्तीचा मृत्यू झाला आहे. तर जिल्ह्यात आजपर्यंत 9 हजार 99 कोरोनाबाधित व्यक्ती आढळल्या आहेत. त्यापैकी 8 हजार 365 व्यक्ती कोरोनामुक्त झाल्या आहेत. रुग्णालयातर्फे आतापर्यंत 1 लाख 37 हजार 565 व्यक्तींचे नमुने तपासण्यात आले. त्यात 1 लाख 27 हजार 887 व्यक्तींचे नमुने निगेटिव्ह आले आहेत. तर 8 हजार 946 व्यक्तींचे नमुने पॉझिटिव्ह, 592 अनिर्णायक व 140 नमुने नाकारल्या गेले असल्याचे जिल्हाधिकारी दीपक मुगळीकर व जिल्हा शल्यचिकित्सक डॉ.बाळासाहेब नागरगोजे यांनी प्रसिध्द केलेल्या प्रेसनोटद्वारे कळविले आहे.