शिवजन्मोत्सव सोहळा साध्या पध्दतीनेच साजरा करा- पो.नि.संदिपान शेळके ; पोलीस ठाण्यात शिवजन्मोत्सवाच्या पार्श्वभूमीवर शिवप्रेमी नागरिकांची बैठक संपन्न
सोनपेठ (दर्शन) :-
सोनपेठ तालुक्यात दि.१९ फेब्रुवारी रोजी शिवजन्मोत्सव हा साध्या पध्दतीने साजरा करावा,असे प्रतिपादन येथील पोलीस ठाण्याचे वरिष्ठ पोलीस निरीक्षक संदीपान शेळके यांनी केले.मंगळवारी (दि.१६) येथील पोलीस ठाण्याच्या प्रांगणात शिवप्रेमी नागरिकांची बैठक संपन्न झाली.यावेळी उपस्थित शिवप्रेमींना मार्गदर्शक सूचना देताना शेळके बोलत होते.कोरोनाचे वाढते रुग्ण लक्षात घेता राज्य शासनाकडून काढण्यात आलेल्या आदेशाची अंमलबजावणी करण्यासाठी येथील पोलीस ठाण्यात शिवजन्मोत्सवाच्या पार्श्वभूमीवर तालुक्यातील शिवप्रेमींची बैठक बोलावली होती.बैठकीच्या अध्यक्षस्थानी येथील वरिष्ठ पोलीस निरीक्षक संदीपान शेळके हे होते तर सहाय्यक पोलीस निरीक्षक श्रीनिवास भिकाने हे उपस्थीत होते. तालुक्यातील कुठल्याही ठिकाणी शिवजन्मोत्सव निमित्ताने मिरवणूक काढली जाणार नसून अशा मिरवणुकीला सोनपेठ पोलीस परवानगी नाकारणार असून संबंधितांवर कडक कारवाई करतील.त्यामुळे शिवप्रेमींनी कोरोना व्हायरसच्या पार्श्वभूमीवर राज्य सरकारने काढलेल्या आदेशाची अंमलबजावणी करण्यासाठी सहकार्य करावे,असेही शेळके यांनी यावेळी सांगितले.उपस्थित शिवप्रेमींनी देखील कोरोना व्हायरसच्या पार्श्वभूमीवर शिवजन्मोत्सव सोहळा अत्यंत साधेपणाने साजरा करणार असल्याचे सांगितले.या बैठकीला जय भवानी मित्र मंडळाचे बळीराम काटे, सार्वजनिक शिवजन्मोत्सव सोहळ्याचे अशोक भुसारे, नारायण रोडे, पत्रकार गणेश सुरवसे, संपादक किरण स्वामी यांच्यासह मंडळाचे सदस्य उपस्थित होते.बैठकीच्या यशस्वीतेसाठी दिलीप निलपत्रेवार, जमादार अनिल शिंदे,ओम यादव, मधुकर ढवळे, आनंद कांबळे यांनी पुढाकार घेतला.
No comments:
Post a Comment