उप महानिरीक्षकासह अधीक्षकांची व्हॉलीबॉलच्या मैदानात चाली वर चाल व जोरदार शाँट
परभणी / सोनपेठ (दर्शन) :-
ग्रामीण पोलिस ठाण्याच्या आवारात तयार केलेल्या व्हॉलीबॉलच्या मैदानाच्या उद्घाटन सोहळ्यनिमित्त नांदेड परिक्षेत्राचे विशेष पोलिस उपमहानिरीक्षक निसार तांबोळी यांनी जिल्हा पोलिस अधीक्षक जयंत मीना यांच्यासह अन्य अधिकारी - कर्मचार्यांसोबत थेट मैदानावर व्हॉलीबॉलची सर्व्हिस करीत सुंदर चालीसह क्रीडा नैपुण्य दाखवून दिले.
पोलिस अधीक्षक श्री.मीना यांच्या पुढाकारातून ग्रामीण पोलिस ठाण्याच्या आवारातील मोकळ्या जागेत व्हॉलीबॉल छानसे मैदान तयार केल्या गेले आहे. विशेषतः या मैदानावर लालमातीचा वापर करण्यात आला असून त्या मैदानाचा गुरुवारी विशेष पोलिस उपमहानिरीक्षक श्री.तांबोळी यांच्या हस्ते शुभारंभ करण्यात आला. यावेळी तांबोळी यांच्यासह पोलिस अधीक्षक श्री.मीना यांना व्हॉलीबॉल खेळण्याचा मोह आवरला नाही. हे दोघेही अधिकारी बॉलनिशी मैदानात उतरले. तेव्हा त्यांचे सहकारी अतिरीक्त पोलिस अधीक्षक मुमक्का सुदर्शन, सहाय्यक पोलिस अधीक्षक (परभणी) अविनाश कुमार, सहाय्यक पोलिस अधीक्षक श्रवण दत्त (जिंतूर), प्रभार पोलिस उपअधीक्षक प्रदीप काकडे, परिविक्षाधीन पोलिस उपअधीक्षक बापुराव दडस, ग्रामीण पोलिस ठाण्याचे पोलिस निरीक्षक गणेश राहिरे यांच्यासह ग्रामीण पोलिस ठाण्यातील कर्मचारी आदींनी या सामन्यात सहभाग घेतला. हा सामना चांगलाच रंगला. विशेषतः सर्व्हिस करण्या बरोबरच सुंदर अशा चाली तसेच जोरदार शॉट मुळे सामना चुरशीचा झाला.दरम्यान, पोलिस अधीक्षक श्री.मीना यांच्यासह ग्रामीण पोलिस ठाण्यातील अधिकारी, कर्मचार्यांनी या मैदानासाठी घेतलेल्या पुढाकाराचे कौतुक करतानाच पोलिसांनी मैदानी खेळ नेहमीच खेळावे, असा संदेश श्री.तांबोळी यांनी यावेळी दिला.
No comments:
Post a Comment