ह.भ.प.बाजीराव महाराज जवळेकर यांना तिर्थक्षेत्र पैठणला देवाज्ञा

ह.भ.प.बाजीराव महाराज जवळेकर यांना तिर्थक्षेत्र पैठणला देवाज्ञा 

परभणी / सोनपेठ (दर्शन) :-

प.पु. गुरुवर्य हभप बाजीराव महाराज जवळेकर यांना गुरुवारी सकाळी तीर्थक्षेत्र पैठणला देवाज्ञा झाली. ते 85 वर्षांचे होते.महाराष्ट्रातील प्रसिध्द तीर्थक्षेत्र पैठण (जि. औरंगाबाद) येथील भव्यदिव्य अशा गीता मंदिराचे ते संस्थापक आहेत. प्रसिध्द संत म्हणून ते राज्यात सर्वदूर परिचित होते. विशेषतः आपल्या कीर्तनांच्या माध्यमातून जवळेकर महाराज यांनी हजारो भक्त, शिष्य निर्माण केले होते. विविध क्षेत्रातील त्यांच्या कार्याबद्दल समाजभूषण, समाजसेवक आयुर्वेदाचार्य इत्यादी पदव्यांनी विविध संस्थांनी संत बाजीराव महाराज यांना सन्मानित केले होते. गीता मठ, शेगाव, दुमाला, पंढरपुर संस्थानचे संस्थापक असणारे हभप बाजीराव महाराज जवळेकर यांना गुरुवारी सकाळी 9 वाजता श्रीक्षेत्र पैठण येथे देवाज्ञा झाली.तीर्थक्षेत्र पैठण येथील गीता मंदिर परिसरात सायंकाळी 5 वाजता त्यांच्या पार्थीवावर अंत्यसंस्कार होणार आहेत. दरम्यान, हे वृत्त कळताच हजारो शिष्यवृंदांनी तीर्थक्षेत्र पैठणला धाव घेतली.