मराठी माणसाला मराठी भाषेविषयी अभिमानच ;आपण सर्व मराठी संस्कृती टिकवून ठेवूया-बालकिशन सोनी परळी बसस्थानकात मराठी भाषा दिन साजरा

मराठी माणसाला मराठी भाषेविषयी अभिमानच ;आपण सर्व मराठी संस्कृती टिकवून ठेवूया-बालकिशन सोनी

परळी बसस्थानकात मराठी भाषा दिन साजरा

परळी / सोनपेठ (दर्शन) :- 

भाषा म्हणजे संस्कृती आणि संस्कृती म्हणजे भाषा असे वाक्य कवीश्रेष्ठ कुसुमाग्रज उर्फ वि.वा.शिरवाडकर यांनी म्हटले असून त्यांचा आज जन्म दिन हा आपण ‘मराठी भाषा दिन’  म्हणून साजरा करतो असे मत न्यायटाईम्सचे संपादक बालकिशन सोनी यांनी व्यक्त केले.

परळी येथील बसस्थानकात शनिवारी (दि.27) दुपारी 12 वा. मराठी भाषा दिन उत्साहात साजरा करण्यात आला. यावेळी आयोजित कार्यक्रमात बोलताना बालकिशन सोनी म्हणाले, माझी मातृभूमी आणि मातृभाषा अभिमानाचा मराठी दिवस माणणार्‍या भाषा दिनाच्या निमित्ताने बोलत होते. यावेळी श्री सोनी व परळी आगारातील आगार प्रमुख अनिल बिडवे यांच्या हस्ते कवी कुसूमाग्रज यांच्या प्रतिमेला हार घालून अभिवादन करण्यात आले.

श्री सोनी पुढे बोलताना म्हणाले, मराठी माणसाला मराठी भाषेविषयी अभिमानच आहे. आपण सर्व मराठी संस्कृती टिकवून ठेवूया असे मत व्यक्त केले.

या कार्यक्रमाला परळी बसस्थानकातील प्रवाशांना पेढे वाटून शुभेच्छा दिल्या. याप्रसंगी रामेश्वर सोनवणे (वाहतूक निरीक्षक), सचिन राठोड (सहाय्यक वाहतूक निरीक्षक), चंद्रसेन होळंबे (वरिष्ठ लिपिक), अमोल क्षिरसागर, कोरडे, हाडबे, चाटे (वाहतूक नियंत्रक), मारोती मुजमुले (पोलिस हवालदार), भरत मामडे आदी यावेळी उपस्थित होते.