डाॅ.बाबासाहेब आंबेडकर यांच्या जयंतीनिमित्त एक वही एक पेन अभियानाचे परळी शहरात आयोजन

डाॅ.बाबासाहेब आंबेडकर यांच्या जयंतीनिमित्त एक वही एक पेन अभियानाचे परळी शहरात आयोजन

परळी / सोनपेठ (दर्शन) :-

महामानव, भारतरत्न डाॅ. बाबासाहेब आंबेडकर यांच्या  131  व्या जयंतीनिमित्त  14  एप्रिल रोजी परळीत एक वही एक पेन या अभिनव अभियानाचे आयोजन करण्यात आल्याची माहिती संयोजक पञकार विकास वाघमारे यांनी दिली आहे. 

        शिक्षण हे वाघिणीचे दूध आहे. आणि ते जो प्राशन करील तो गुरगुरल्याशिवाय राहणार नाही. असे डाॅ. बाबासाहेब आंबेडकर म्हणतात. त्यामुळे विद्यार्थ्यांना चालना मिळावी या हेतूने एक वही एक पेन हा उपक्रम  14  एप्रिल रोजी रेल्वे स्टेशन येथील डाॅ. बाबासाहेब आंबेडकर पुतळा येथे सकाळी  9  ते 12  या वेळेत राबविण्यात येणार आहे. अवांतर खर्च न करता या समाजोपयोगी अभियानात सहभागी होऊन या वेळेत आपण वही अथवा पेन आणून द्याव्यात. 

       जमा झालेल्या वह्या आणि पेन गरजू आणि होतकरू विद्यार्थ्यांना वाटप करण्यात येणार आहेत. या वेळी या अभियानाचे संस्थापक विकास रोडे ही उपस्थित राहणार आहेत. तरी दानशूर व्यक्तींनी सहकार्य करण्याचे आवाहन विकास वाघमारे यांनी केले आहे. अधिक माहितीसाठी  9028347358  या मोबाईल नंबर वर संपर्क साधावा.