सोनपेठ येथे विधी सेवा पंधरवडा दिनानिमित्त पायी व मोटारसायकल रॅली संपन्न

सोनपेठ येथे विधी सेवा पंधरवडा दिनानिमित्त पायी व मोटारसायकल रॅली संपन्न 

सोनपेठ (दर्शन) :- 

सोनपेठ तालुक्यात महाराष्ट्र राज्य विधी सेवा प्राधिकरण मुंबई यांच्या आदेशान्वये कायदेविषयक जनजागृती करण्याकरिता जनसामान्यांना कायदेविषयक कोण कोणत्या विधी सेवा पुरविल्या जातात आणि विधी सेवा समिती द्वारे विविध कायदे योजनांचा लाभ कशा प्रकारे घेता येऊ शकतो याबाबत गावोगावी जाऊन प्रसार व प्रचार करून लोकांपर्यंत विविध कायद्यांच्या योजनांची माहिती दिनांक 9 नोव्हेंबर 2019 दिनांक 23 नोव्हेंबर 2019 या पंधरवाडा कालावधीमध्ये " विधी सेवा पंधरवडा दिन" कार्यक्रम यशस्वी करणे हेतू येथील मा. दिवाणी न्यायालय क स्तर तथा तालुका विधी सेवा समिती आणि वकील संघ यांच्या संयुक्त विद्यमाने दिनांक 14 नोव्हेंबर 2019 गुरुवार रोजी सकाळी 10:30 वाजता न्यायालय परिसरातून पायी व मोटरसायकल रॅलीचे आयोजन करून विटा रोड मार्गे, तहसील समोरून, स्व.वसंतराव नाईक चौक, छत्रपती शाहू महाराज चौक येथे समारोप करण्यात आला व या जनजागृती कार्यक्रम संपन्न झाला, सदर कार्यक्रमाचे उदघाटन मा.एस.एस.खिरापते.(दिवाणी न्यायाधीश क स्तर) यांच्या शुभहस्ते करण्यात आले. याप्रसंगी प्रमुख अतिथी म्हणून अँड.डी.आर.मोकाशे (अध्यक्ष वकील संघ) व सरकारी वकील अँड.बी.एम.लोमटे हे होते तर पायी व मोटरसायकल रॕली मध्ये अँड.डि.टी.यादव, अँड.आर.पी.भिसे, अँड.एस.एस.भिसे, अँड.आर.पी.राठोड, अँड.ए.पी.तिरमले, अँड.के.डी.मोकाशे, अँड.व्हि.आर.धबडे तसेच न्यायालयातील न्यायालयीन कर्मचारी के.जी.चव्हाण.(सहाय्यक अधिक्षक), तालुका विधी सेवा समितीचे कार्यवाहक रा.ना.अंबोरे, एस.एस.जायभाये, एस.बी.नंब, आर.आर.डोगरे, डि.आर.थिगळे, पी.ए.राऊत, एस.पी.भंर्गोदेव, पि.एम.धोंगडे, कालीदास खडके यांच्यासह कै.र.व.महाविद्यालयाचे " राष्ट्रिय सेवा योजना या विभागाचे सय्यद जफर, शेख अकबर, अमोल टेकनूर, रोहीत चौधरी, गणेश केंद्रे, रजनीकांत वाघमारे, अर्जुन मोरे व योगेश ठाकर आदि स्वयंसेवकांनी सहभाग नोंदवून सदर रँली शहरात संपन्न करण्यात आली.