परभणी जिल्ह्यातील 33 ग्रामपंचायतीमधील रिक्त पदांच्या पोट निवडणूकीचा कार्यक्रम जाहीर

परभणी जिल्ह्यातील 33 ग्रामपंचायतीमधील रिक्त पदांच्या पोट निवडणूकीचा कार्यक्रम जाहीर     

                                                             

परभणी / सोनपेठ (दर्शन) :- 

राज्य निवडणूक आयोगाने दि.4 नोव्हेंबर 2019 रोजी परभणी जिल्ह्यातील 33 ग्रामपंचायतीमधील एक थेट सरपंच आणि 47 रिक्त पदांच्या पोट निवडणूकीसाठी निवडणूक कार्यक्रम जाहीर केला असून तो पुढीलप्रमाणे आहे.

कार्यक्रमानूसार बुधवार दि.6 नोव्हेंबर 2019 रोजी निवडणूक नोटीस प्रसिध्द करण्यात आली. शनिवार दि.16 नोव्हेंबर ते गुरुवार दि.21 नोव्हेंबर 2019 या कालावधीत रविवार वगळुन नामनिर्देशनपत्र मागविण्याचा व सादर करण्याचा कालावधी राहील. शुक्रवार दि.22 नोव्हेंबर 2019 रोजी सकाळी 11 वाजेपासून नामनिर्देशनपत्राची छाननी करण्यात येईल. सोमवार दि.25 नोव्हेंबर 2019 पर्यंत नामनिर्देशनपत्र मागे घेण्याचा अंतिम दिनांक राहील. सोमवार दि.25 नोव्हेंबर 2019 रोजी निवडणूक चिन्ह नेमुन देणे व अंतिमरित्या निवडणूक लढविणाऱ्या उमेदवारांची यादी प्रसिध्द करण्यात येईल. रविवार दि.8 डिसेंबर 2019 रोजी सकाळी मतदान घेण्यात येईल. सोमवार दि.9 डिसेंबर 2019 रोजी मतमोजणी करण्यात येईल. तर ग्रामपंचायतीच्या निवडणूकीचा निकाल गुरुवार दि.12 डिसेंबर 2019 रोजी प्रसिध्द करण्यात येईल. असे सामान्य प्रशासन विभागाचे उपजिल्हाधिकारी डॉ.संजय कुंडेटकर यांनी कळविले आहे.

-*-*-*-*-