सेलूतील प्रकरणात पोलिस उपनिरीक्षक निलंबित, अन्य कर्मचार्यांवर गंडांतर
परभणी / सोनपेठ (दर्शन) :-
सेलू येथील उपविभागीय पोलिस अधिकारी राजेंद्र पाल यांच्याविरुध्द लाच लुचपत प्रतिबंध विभागाने केलेल्या कारवाईच्या पार्श्वभूमीवर जिल्हा पोलिस अधिक्षक जयंत मीना यांनी बुधवारी (दि.28) सहाय्यक पोलिस उपनिरीक्षक शिवाजी रामभाऊ वायाळ यांच्याविरुध्द निलंबनाची कारवाई केली.
दरम्यान, या प्रकरणात पोलिस अधिक्षक मीना यांनी अन्य काही कर्मचार्यांच्या संयशास्पद भूमिकांबद्दलही चौकशी सुरु केली आहे. सहाय्यक पोलिस उपनिरीक्षक वायाळ हे सेलू उपविभागीय पोलिस अधिकारी कार्यालयात लेखनिक म्हणून कार्यरत होते. तपासी अंमलदार यांना संपर्क साधून वायाळ यांनी त्या गुन्ह्याबाबत कागदपत्रे मागवून चौकशी केली. तसेच काहींचे जवाबही नोंदविले. या प्रकरणातील त्यांचे हे बेकायदेशीर कृत्य पोलिस अधिक्षक मीना यांनी हेरून कर्तव्यात कसूर केल्याबद्दल वायाळ यांना निलंबित केले.
दरम्यान, पूर्णा पोलिस ठाण्यातील एक चालक, तसेच सोनपेठ पोलिस ठाण्यातील एक पोलिस हवालदार यांनाही अन्य प्रकरणात निलंबित करण्यात आले असल्याची माहिती हाती आली आहे.
No comments:
Post a Comment