मोतीराम पौळ यांचे 'सेट' परीक्षेत यश
पालम/सोनपेठ (दर्शन):-
तालुक्यातील फरकंडा येथील मोतीराम देवराव पौळ हे सहाय्यक प्राध्यापक पदासाठी घेतली जाणारी राज्य पात्रता परीक्षा (सेट) उत्तीर्ण होत पदासाठी पात्र ठरले आहेत. २७ डिसेंबर रोजी सावित्रीबाई फुले पुणे विद्यापीठाने घेतलेल्या परीक्षेचा निकाल संकेतस्थळावर जाहीर केला आहे.
फरकंडा येथील जिल्हा परिषद शाळेत प्राथमिक शिक्षण झाल्यानंतर पौळ यांनी माधवराव पाटील महाविद्यालय, पालम येथे पदवी, फर्ग्युसन कॉलेज, पुणे येथे पदव्युत्तर पदवी आणि सावित्रीबाई फुले पुणे विद्यापीठ येथे पत्रकारितेचे शिक्षण पूर्ण केले. सध्या ते शिवाजी विद्यापीठ, कोल्हापूर येथे राजकीय नेत्यांच्या आत्मचरित्रांवर पीएचडी करीत आहेत.
पौळ हे सध्या पुणे येथील भारतीय जैन संघटना आणि शांतिलाल मुथ्था फाउंडेशन या संस्थेत लेखक म्हणून कार्यरत आहेत.
No comments:
Post a Comment