श्री ब्र.भु.ह.भ.प. संत रंगनाथ महाराज प्रतिष्ठान व आर्य वैश्य समाज बांधव आयोजित दर्पण दिनानिमित्त पत्रकारांचा सन्मान सोहळा संपन्न

श्री ब्र.भु.ह.भ.प. संत रंगनाथ महाराज प्रतिष्ठान व आर्य वैश्य समाज बांधव आयोजित दर्पण दिनानिमित्त पत्रकारांचा सन्मान सोहळा संपन्न 

सोनपेठ (दर्शन) :- श्री ब्र.भु.ह.भ.प.संत रंगनाथ महाराज प्रतिष्ठान व आर्य वैश्य समाज बांधव आयोजित दर्पण दिनानिमित्त श्री नगरेश्वर मंदिर येथे पत्रकारांचा सन्मान सोहळा संपन्न, दि.31 जानेवारी 2025 शुक्रवार रोजी मुकनायक स्थापना दिवस डॉ.बाबासाहेब आंबेडकर यांनी दि.31 जानेवारी 1920 साली पाक्षिक मुकनायक वृत्तपत्र स्थापन केले म्हणून दि.31 जानेवारी मुकनायक दिन म्साहणून साजरा करण्यात येतो असा योगायोग म्हणजे सोनपेठ तालुक्यातील सर्व पत्रकार बाधवांचा सन्मान दर्पण दिनानिमित्त आयोजित केला, यामध्ये सर्व पत्रकार बाधवांसह साप्ताहिक सोनपेठ दर्शन संपादक किरण रमेश स्वामी यांचा सन्मान सुनील डाके, सदानंद शेटे व सागर डाके यांनी शाल, पुष्पहार, श्रीफळ व भेट वस्तू देऊन सन्मानित करण्यात आले याप्रसंगी बालाजी वांकर, डॉ.बालाजी पारसेवार, नंदकुमार कोटलवार , जितेंद्र वांकर, जीवन बसेट, प्रशांत पापंटवार, कैलास पापंटवार, केदार वलसेटवार, प्रवीण सातभाई, नागनाथ शेटे, राहुल लोहगावकर, श्रीराम वांकर, बळीरामजी काटे, भगवान डाके, बालाजी पदमवार, ज्ञानेश्वर डमढरे, अनिल कवटिकवार, नागनाथ सातभाई, आनंद डाके, सचिन डाके, नवनाथ वांकर, संतोष बसेट, राहुल पाथरकर, प्रणव सातभाई, राजेभाऊ शेटे, डॉ.किरण डमढरे, प्रशांत सातभाई, संतोष वलसेटवार, विकी बसेट, विजयकुमार शेटे व आर्य वैश्य समाज बांधव मोठ्या संख्येने उपस्थित होते.याप्रसंगी सर्व उपस्थित समाज बांधवांनी सर्पवच पत्रकार बांधवांचे अभिनंदन केले.

यशवंत सामान्य ज्ञान परीक्षेत वरपूडकर महाविद्यालयाचे यश उल्लेखनीय

सोनपेठ (दर्शन) :- सोनपेठ येथील कै.र.व.कला, वाणिज्य व विज्ञान महाविद्यालयातील विद्यार्थ्यांनी दि. 26 जानेवारी 2025  रोजी प्रजासत्ताक दिनानिमित्त आयोजित 'यशवंत राज्यस्तरीय सामान्य ज्ञान स्पर्धेत सहभाग नोंदवला.ही परीक्षा ‘रेनेसॉन्स स्टेट' (महाराष्ट्राच्या निर्मितीचा अकथित इतिहास) - लेखक: गिरीश कुबेर, (अनुवाद: प्रथमेश पाटील) या  ग्रंथावर ठेवण्यात आलेली होती.  प्रस्तुत परीक्षा श्री पंडितगुरु पार्डीकर महाविद्यालय शिरसाळा व कै. रमेश वरपूडकर महाविद्यालय सोनपेठ जि.  परभणी या दोन केंद्रावर घेण्यात आली. या परीक्षेसाठी दोन्ही केंद्रावरील 45 विद्यार्थी परीक्षेला बसले होते. या स्पर्धेसाठी 'महाराष्ट्राचा अकथीत इतिहास' अर्थात "रेनेसॉंन्स स्टेट" लेखक गिरीश कुबेर यांचा ग्रंथ ठेवण्यात आला होता. त्या ग्रंथावर पन्नास वस्तुनिष्ठ प्रश्न विचारून ही परीक्षा श्री पंडितगुरु पार्डीकर महाविद्यालय सिरसाळा आणि कै.र.व. महाविद्यालय राज्यशास्त्र विभाग यांच्या संयुक्त विद्यमाने खुल्या पद्धतीने घेण्यात आली होती. या परीक्षेसाठी 45 विद्यार्थ्यांनी आपला सहभाग नोंदवला होता. या स्पर्धेत वरपूडकर महाविद्यालयाच्या श्री रवीकुमार सुरेश राठोड (बी.ए. तृतीय वर्ष) याने प्रथम क्रमांक, कु.दिपाली राम काटे (बी.ए. द्वितीय वर्ष) यांचा द्वितीय क्रमांक तर श्री आदित्य जयसिंग ठाकूर (बी.ए. तृतीय वर्ष) यांनी तिसरा क्रमांक मिळवत यशवंत सामान्य ज्ञान स्पर्धेची सर्वसामान्य विजेतेपद महाविद्यालयाला प्राप्त करून दिल्याबद्दल संस्थाध्यक्ष, मा. परमेश्वर कदम (हनुमान शिक्षण प्रसारक मंडळ) व प्राचार्य, डॉ. वसंत सातपुते, राज्यशास्त्र विभाग प्रमुख कल्याण गोलेकर यांच्यावतीने मनःपूर्वक अभिनंदन व सत्कार करण्यात आले. या स्पर्धेत वरपूडकर महाविद्यालयाच्या श्री रवीकुमार सुरेश राठोड (बी.ए. तृतीय वर्ष) याने प्रथम क्रमांक, कु. दिपाली राम काटे (बी.ए. द्वितीय वर्ष) यांचा द्वितीय क्रमांक तर श्री आदित्य जयसिंग ठाकूर (बी.ए. तृतीय वर्ष) यांनी तिसरा क्रमांक मिळवत यशवंत सामान्य ज्ञान स्पर्धेच सर्वसामान्य विजेतेपद महाविद्यालयाला प्राप्त करून दिल्याबद्दल संस्थाध्यक्ष, मा. परमेश्वर कदम (हनुमान शिक्षण प्रसारक मंडळ) व प्राचार्य, डॉ. वसंत सातपुते, राज्यशास्त्र विभाग प्रमुख प्रा डॉ कल्याण गोलेकर यांच्या वतीने मनःपूर्वक अभिनंदन करून सत्कार करण्यात आला.या यशाबद्दल महाविद्यालयाच्या या गुणवंत स्पर्धक विद्यार्थ्यांचे सोनपेठ परिसरात कौतुक होत आहे.

राष्ट्रीय मतदार दिनानिमित्त सामुहिक शपथ व विविध स्पर्धांचे प्रमाणपत्र वाटप

सोनपेठ (दर्शन) : - सोनपेठ येथील हनुमान शिक्षण प्रसारक मंडळाचे कै.र.व.कला, वाणिज्य व विज्ञान महाविद्यालय सोनपेठ येथील राष्ट्रीय सेवा योजना , राज्यशास्त्र विभाग, लोकप्रशासन विभाग व सोनपेठ तहसील कार्यालय यांच्या संयुक्त विद्यमाने 'राष्ट्रीय मतदार दिना'निमित्त आयोजित रांगोळी स्पर्धा, निबंध स्पर्धा व वक्तृत्व स्पर्धा यांचे प्रमाणपत्र वाटप करून मतदान करण्याची सामुहिक शपथ आज दिनांक २५ जानेवारी २०२५ रोजी घेण्यात आली. 

     याप्रसंगी हनुमान शिक्षण प्रसारक मंडळाचे संचालक रामेश्वर  कदम , तहसीलदार सुनील कावरखे ,महसूल सहाय्यक, निवडणूक तांत्रिक सहाय्यक ज्ञानेश्वर तुळशीराम घाडगे, प्राचार्य डॉ. वसंत सातपुते, राज्यशास्त्र विभाग प्रमुख‌ डॉ कल्याण गोलेकर, लोकप्रशासन विभाग प्रमुख डॉ मुक्ता सोमवंशी आदी उपस्थित होते.

   १५ व्या  राष्ट्रीय मतदार दिनाचे औचित्य साधून सोनपेठ तहसील कार्यालय आणि महाविद्यालयातील विविध विभाग यांच्या संयुक्त विद्यमाने स्पर्धा आयोजित करण्यात आल्या होत्या. या स्पर्धांचे प्रमाणपत्र मा.तहसिलदार सुनील कावरखे साहेब यांच्या हस्ते वितरित करण्यात आले. तसेच सर्व कर्मचारी व विद्यार्थी यांना राष्ट्रीय मतदार शपथ देण्यात आली. विद्यार्थी करण उबाळे याने काढलेल्या चित्राचे अनावरण करण्यात आले. रांगोळीत प्रथम क्रमांक शुभांगी हेंगडे, द्वितीय सागर डुकरे, निबंध स्पर्धेत प्रथम करण उबाळे व योगिता शिंदे यांनी नंबर पटकावले.

 या कार्यक्रमाचे सूत्रसंचालन रासेयो कार्यक्रम अधिकारी डॉ.बापुराव आंधळे , तर आभार प्रदर्शन लोकप्रशासन विभाग प्रमुख प्रा डॉ.मुक्ता सोमवंशी यांनी केले.

मराठी भाषा संवर्धन पंधरवडा चे वरपूडकर महाविद्यालयात उद्घाटन

सोनपेठ (दर्शन) : - सोनपेठ येथील हनुमान शिक्षण प्रसारक मंडळाचे कै.र.व.कला, वाणिज्य व विज्ञान महाविद्यालयात हनुमान शिक्षण प्रसारक मंडळाचे संचालक श्री रामेश्वर कदम यांच्या हस्ते भाषा संवर्धन पंधरवड्याचे उद्घाटन करण्यात आले. या कार्यक्रमाचे अध्यक्ष प्राचार्य डॉ.वसंत सातपुते सर प्रमुख पाहुणे म्हणून डॉ.बाळासाहेब काळे, डॉ.सा.द.सोनसळे हे विचार मंचावर उपस्थित होते.दरवर्षीप्रमाणे दिनांक 14 ते 28 जानेवारी 2025 दरम्यान मराठी भाषा संवर्धन पंधरवडा आयोजित केला जातो.यावर्षी या उपक्रमांतर्गत अनुक्रमे हस्ताक्षर स्पर्धा, निबंध स्पर्धा, पुस्तकावर परिचर्चा व व्याख्यान अशा भरगच्च कार्यक्रमाचे नियोजन केले आहे. दिनांक 28 जानेवारी रोजी 'महानुभाव साहित्य व मराठी भाषा' या विषयावर प्रा.सुरेश मोरे तर प्रा.डॉ.सखाराम कदम हे नुकताच मराठी भाषेसाठी युवा साहित्य अकादमी पुरस्कार मिळवणारी देविदास सौदागर यांची 'उसवण' या पुस्तकावरची परिचर्चा करणार आहेत.तरी सर्व विद्यार्थी, साहित्यप्रेमी मंडळीनी या कार्यक्रमास उपस्थिती नोंदवावी असे आवाहन मराठी विभाग व महाविद्यालयाचे प्राचार्य यांचेकडून करण्यात येत आहे.

विश्वभारती प्राथमिक विद्यालय सोनपेठ येथे आनंदनगरी उत्सहात साजरी ; उद्घाटक सौ.स्मिताताई राजेश विटेकर

सोनपेठ (दर्शन) :- सोनपेठ येथील विश्वभारती प्राथमिक विद्यालयात विद्यार्थ्यांना शालेय जीवनासोबतच व्यवहारिक ज्ञानदेखील मिळावे म्हणून.आनंदनगरी मेळाव्याचे आयोजन करण्यात आले.यात विद्यार्थ्यांनी 61 स्टॉल उभारले होते.कार्यक्रमाला उद्घाटक म्हणून सौ.स्मिताताई राजेश विटेकर तर प्रमुख पाहुणे म्हणून कदम मॅडम, विनोद पवार ( व्यवस्थापक व्हिजन इन्स्टिट्युट), प्रदिप खटाळ (व्हिजन स्कूल प्राचार्य) इत्यादी मान्यवर उपस्थित होते. कार्यक्रमाची सुरुवात प्रमुख पाहुण्यांच्या हस्ते रिबीन कट करून करण्यात आली. तसेच प्रमुख पाहुण्यांनी विद्यार्थ्यांना मोलाचे मार्गदर्शन सांगितले व विद्यार्थ्यांना व्यवसायातून होणारा नफा आणि तोटा याचे मार्गदर्शन केले.तसेच मुख्याध्यापक पप्पू पवार यांनी मुलांना मार्गदर्शन करून प्रमुख पाहुण्यांचे आभार व्यक्त केले. तसेच कार्यक्रमाचे सूत्रसंचलन अक्षय शिंदे सर यांनी केले.

        विद्यार्थ्यांना शिक्षणासोबत व्यवहारीक ज्ञान मिळणे देखील गरजेचे असते.यासाठी विद्यार्थ्यांना शिक्षणा बरोबरच व्यवसाय कसा करावा लागतो व त्यातुन दोन पैसे मिळविताना कशाप्रकारे अडचणीला तोंड द्यावे लागते याचा अनुभव यावा म्हणून सरस्वती विद्यालयात आनंदनगरी मेळाव्याचे आयोजन करण्यात आले होते. या उपक्रमात शाळेतील विद्यार्थ्यांनी सहभाग नोंदवीत आपली कला सादर करण्याचा प्रयत्न केला. मेळाव्यात सहभागी झालेल्या विद्यार्थ्यांनी घरुनच पदार्थ बनवून आणुन शालेय आवारात स्टॉल लावले. विद्यार्थी खरेदी करण्यासाठी आलेल्या ग्राहकांना आकर्षित करण्याचा प्रयत्न करीत होते. या मेळाव्याला एकप्रकारे बाजाराचे स्वरूप प्राप्त झाले होते. यावेळी मुख्याध्यापक पवार सर तसेच अक्षय शिंदे, कृष्णा राठोड, सचिन चव्हाण, भाग्यश्री महाजन, मेघा मुळी, उषा पवार, नेहा पौळ, सविता राठोड, ज्योती यमगर, श्रेया येवतेकर, आरती स्वामी, स्वाती देशमुख, सविता काकडे, अश्विनी करपे, गणेश बोचरे, बाबासाहेब मस्के ई.शिक्षक व शिक्षकेत्तर कर्मचारी आदीसह मोठ्या संख्येने विद्यार्थी उपस्थित होते. एकंदरीत कार्यक्रम यशस्वीरित्या पार पडले.

लोकशाहीच्या तिन्ही स्तंभांना वाळवी, चौथ्या स्तंभाला पुढे यावे लागेल ! - जेष्ठ पत्रकार अशोक वानखेडे यांचे प्रतिपादन- गंगाखेड येथे दर्पण दिन सोहळा थाटात संपन्न- जिल्ह्यातील व्हॉईस ऑफ मीडिया सदस्यांचा झाला सन्मान- संस्थापक राष्ट्रीय अध्यक्ष संदीप काळे यांची उपस्थिती

गंगाखेड/सोनपेठ (दर्शन) : - देश, संविधान उध्दवस्त करण्यासाठी एक टीम कामाला लागली आहे. आपल्याला प्रजासत्ताक देश वाचवण्याचे काम करायचे आहे. लोकशाहीच्या तिन्ही स्तंभांना वाळवी लागली असुन आणीबाणीचा काळ आणि देशातील आजची परिस्थिती सारखीच असल्यामुळे पत्रकार असलेल्या चौथ्या स्तंभाला आता पुढे यावे लागेल असे प्रतिपादन राजकीय विश्लेषक, जेष्ठ पत्रकार अशोक वानखेडे यांनी गंगाखेड येथे आयोजित व्हॉईस ऑफ मीडिया दर्पण दिन सोहळ्या प्रसंगी बोलताना केले.

व्हॉईस ऑफ मीडिया गंगाखेड शाखेच्या वतीने रविवार १९ जानेवारी रोजी सकाळी ११ वाजता शहरातील राजेश्वर फंक्शन हॉल येथे दर्पण दिनानिमित्त दर्पण दिन सोहळ्याचे आयोजन करून पत्रकारांना विमा कवच वाटप, पत्रकारांच्या सौभाग्यवतींना खास मराठवाडी आहेर देऊन सन्मान करत ज्येष्ठ पत्रकारांचा सत्कार करण्यात आला होता. यावेळी कार्यक्रमाचे अध्यक्ष म्हणून व्हॉईस ऑफ मीडिया प्रदेश कार्याध्यक्ष विजय चोरडिया, उदघाटक म्हणून व्हाईस ऑफ मीडियाचे संस्थापक राष्ट्रीय अध्यक्ष संदीप काळे, प्रमुख मार्गदर्शक म्हणून ज्येष्ठ पत्रकार अशोक वानखेडे (टायगर) तर प्रमुख पाहुणे म्हणून उपविभागीय अधिकारी जिवराज डापकर, उपविभागीय पोलिस अधिकारी डॉ. दिलीप टिपरसे, राजेश सूर्यवंशी, रिपाई (आ) प्रदेश उपाध्यक्ष डॉ. सिद्धार्थ भालेराव, सपोनि सिद्धार्थ इंगळे, भाजपा माजी जिल्हाध्यक्ष डॉ. सुभाष कदम, माजी जि.प. सदस्य श्रीकांत भोसले, गोविंद यादव, अभय कुंडगीर, सुरेश जंपनगीरे, दगडू सोमाणी, डॉ संजय सुपेकर , चंद्रकांत खारकर, प्राचार्य डॉ. दिनानाथ फुलवाडकर, बाबुराव गळाकाटू, जिल्हाध्यक्ष गजानन देशमुख , गोविंद यादव आदींची उपस्थिती होती . कार्यक्रमाच्या पहिल्या सत्रात बोलताना ज्येष्ठ पत्रकार अशोक वानखेडे म्हणाले की पत्रकारांनी पत्रकारितेची ताकद ओळखावी, एकमेकांसोबत आल्यावर मोठी ताकद निर्माण होते. पत्रकारांनो गरजा मर्यादित करा, स्वाभिमानी रहा, त्यामुळे तुम्हाला कोणीही विकत घेऊ शकणार नाही असा मौलीक सल्ला ही यावेळी अशोक वानखेडे यांनी दिला. व्यवस्था व भिनाऱ्यांना निडर असणाऱ्या पत्रकारांचा आदर असतो असेही यावेळी उपस्थित पत्रकारांना मार्गदर्शन करताना सांगितले. व्हॉईस ऑफ मीडियाचे संस्थापक अध्यक्ष संदीप काळे सर्वांसाठी लढत आहेत. त्यांनी बोलावलेल्या प्रत्येक ठिकाणी मी आवर्जून येणार असल्याचे त्यांनी सांगितले. प्रारंभी कार्यक्रमाचे प्रास्ताविक व्हॉईस ऑफ मीडिया गंगाखेड शाखेचे तालुकाध्यक्ष अन्वर शेख लिंबेकर यांनी केले. यावेळी  उपविभागीय अधिकारी जिवराज डापकर, उपविभागीय पोलीस अधिकारी डॉ. दिलीप टिपरसे,व्हॉइस ऑफ मीडिया प्रदेश कार्याध्यक्ष विजय चोरडिया, जिल्हाध्यक्ष गजानन देशमुख यांनी आपले मनोगत व्यक्त केले.

दरम्यान व्हॉईस ऑफ मीडिया गंगाखेड शाखेतील ४५ पत्रकार सदस्यांना प्रत्येकी १५ लाख रुपयांचे विमा कवच देऊन सपत्नीक सत्कार करण्यात आला. शहरातील ज्येष्ठ पत्रकारांचाही यावेळी सन्मानचिन्ह देत सत्कार करण्यात आला.

कार्यक्रमाच्या दुसऱ्या सत्रामध्ये व्हॉइस ऑफ मीडिया नांदेड जिल्हाध्यक्ष गणेश जोशी यांनी संघटने मार्फत नांदेड येथे संघटनेतील पत्रकारांना घरकुल व विमा कवच देण्यासंदर्भात करण्यात येत असलेल्या प्रयत्नांची माहीती दिली. यावेळी ज्येष्ठ पत्रकार अशोक वानखेडे यांनी उपस्थित पत्रकारांनी विचारलेल्या प्रश्नांला उत्तरे दिली. माझे माध्यम कोणते आहे हे विचारू नको, मी कोण आहे ते विचार असे ठामपणे सांगायला शिका म्हणत पत्रकारांनी जोड व्यवसाय करावा, ताण तणाव कमी ठेवावा, गरजा कमी कराव्यात, पत्रकारांत आत्मसन्मान असला पाहिजे, मन लावून न घाबरता काम करा असा सल्ला यावेळी पत्रकारांनी विचारलेल्या विविध प्रश्नांना उत्तरे देताना दिला. कार्यक्रमाच्या निरोपिय भाषणात बोलताना संघटनेचे संस्थापक राष्ट्रीय अध्यक्ष संदीप काळे यांनी प्रत्येकाला मदत करा, मदतीची भावना ठेवा, संघटना आपल्या आजूबाजूला कार्यरत आहे, इतरांशी द्वेष भावना ठेवू नका, चाट जीपीटी व एन व्ही सारखे ॲपचा पत्रकारांनी वापर सुरू करावा, नवीन तंत्रज्ञान आत्मसात करणे काळाची गरज असल्याने काळानुरूप चालायला सुरुवात करा असा सल्ला दिला. नांदेड येथे १५ व १६ फेब्रुवारी रोजी पत्रकारांची कार्यशाळा आयोजित करण्यात आली आहे. त्या कार्यशाळेत पत्रकारांनी सहभागी व्हावे असे आवाहन यावेळी त्यांनी केले. कार्यक्रमाच्या शेवटी ९ तालुक्यातील व्हॉईस ऑफ मीडिया शाखेच्या तालुकाध्यक्ष व सदस्यांना सन्मानित करण्यात आले. कार्यक्रमाचे सूत्रसंचालन पूजा दर्डा यांनी तर आभार तालुकाध्यक्ष अन्वर शेख लिंबेकर यांनी मानले. कार्यक्रम यशस्वी करण्यासाठी व्हॉईस ऑफ मीडिया गंगाखेड शाखेच्या सर्व पदाधिकारी व सदस्यांनी परिश्रम घेतले.

कै.राजाभाऊ कदम साहेबांच्या स्मृतिप्रीत्यर्थ भव्य राज्यस्तरीय आंतरमहाविद्यालयीन वक्तृत्व स्पर्धा -२०२५ चे आयोजन

सोनपेठ (दर्शन) : - सोनपेठ येथील हनुमान शिक्षण प्रसारक मंडळाचे संस्थापक अध्यक्ष कै.राजाभाऊ कदम साहेबांच्या स्मृतिप्रीत्यर्थ मागील सहा वर्षापासून आम्ही भव्य आंतरमहाविद्यालयीन राज्यस्तरीय वक्तृत्व स्पर्धेचे आयोजन कै.रमेश वरपूडकर कला, वाणिज्य व विज्ञान महाविद्यालय, सोनपेठ, जि. परभणी यांच्या वतीने करत आहोत. याही वर्षी दि.२१ जानेवारी २०२५ रोजी स. १०.०० वाजता  ही वक्तृत्व स्पर्धा आयोजित करण्यात आली आहे. यावर्षीचे

विषय - १) राजकारणाचे गुन्हेगारीकरण, २) अभिजात मराठी भाषा: संधी आणि आव्हाने, ३) वेब सिरीजच्या विळख्यात अडकलेली तरुणाई असे निश्चित केले असून यासाठी अनुक्रमे पारितोषिके -                        प्रथम क्रमांकास - 5001रूपये व स्मृतिचिन्ह

द्वितीय क्रमांकास- 4001रूपये व स्मृतिचिन्ह,

उत्तेजनार्थ तीन पारितोषिके  ठेवली असून त्यांना प्रत्येकी   1001 रुपये व स्मृतिचिन्ह

 प्रदान करण्यात येईल.                                         

 या राज्यस्तरीय आंतरमहाविद्यालयीन वकृत्व स्पर्धेसाठी  पदवी महाविद्यालयातील व विद्यापीठातील स्पर्धक भाग घेऊ शकतात. विजेत्या स्पर्धकांना रोख रक्कम, प्रमाणपत्र व स्मृतीचिन्ह स्पर्धेनंतर लगेच प्रदान करण्यात येईल. या स्पर्धेत सहभागी सर्व विद्यार्थ्यांना विशेष सहभाग प्रमाणपत्र देण्यात येतील. या स्पर्धेसाठी चे नियम पुढील प्रमाणे देण्यात येत आहेत.१) प्रत्येक स्पर्धकाला ५० रुपये नोंदणी शुल्क राहील.२) स्पर्धेसाठी माध्यम मराठी असेल ३) १८ ते २२ वयोगटातील स्पर्धक सहभागी होऊ शकतात. ४) स्पर्धकांनी स्पर्धेपूर्वी संयोजकाकडे नोंदणी करणे आवश्यक आहे. ५) एका काॅलेजमधील जास्तीत जास्त दोन स्पर्धकाला प्रवेश मिळेल. या स्पर्धेसाठी संपर्क -

१) प्रा. डॉ. बालासाहेब काळे, सांस्कृतिक विभाग प्रमुख ९४०३५६२०९१

२) प्रा.डॉ. मुकुंदराज पाटील  ९६५७७००२३७        ३) प्रा.डॉ. सुनिता टेंगसे 8983776077.    ४) प्रा.डॉ. सखाराम कदम, ९९७५३८०००४, ५) डॉ. संतोष रणखांब 9404241492  या क्रमांकावर संपर्क साधावा. सर्व महाविद्यालयांच्या प्राचार्य व भाषा विभागाने कृपया स्पर्धक पाठवून सहकार्य करावे.    

 असे आवाहन महाविद्यालय व सांस्कृतिक विभागाच्या वतीने करण्यात येत आहे.

हजरत लुल्लाह बिबी मांसाहब संदल भक्तिमय वातावरणात संपन्न ; 710 वर्षाची परंपरा आजही कायम हिंदू मुस्लिम एकतेचे प्रतीक

सोनपेठ (दर्शन) :- 

हिंदु मुस्लिम एकतेचे प्रतीक असलेले सोनपेठ तालुक्यातील शिरोरी येथील हजरत लुल्लाह बिबी मांसाहब दर्गाशरीफचे प्रती साला प्रमाणे याही वर्षी इस्लामी तारीख 16 रज्जब (दि.17 जानेवारी शुक्रवार) रोजी पवित्र संदल मोठ्या भक्तिमय वातावरणात संपन्न झाले.

710 वर्षापासून चालत आलेली उर्स व संदलची परंपरा आजही शिरोरी येथील हिंदू मुस्लिम बांधव एकत्रित येऊन हजरत लुल्लाह बिबी मांसाहब दर्गाशरीफचे संदल मोठ्या भक्तिमय व शांततेत पार पडतात दर्गाशरीफचे धार्मिक कार्यक्रम इस्लामी तारीख 15 रज्जब पासून सुरु होऊन 17 रज्जब रोजी उर्स यात्राने सांगता होते. 15 रज्जब (16 जानेवारी गुरूवार)रोजी दर्गाहला गुसल शरीफ त्यानंतर 16 रज्जब (17 जानेवारी शुक्रवार) रोजी पवित्र संदल शरीफ गावातील दर्ग्याचे खादीम शेख इस्माईल जानिमिया यांचे चुलत बंधू मुजावर शेख शब्बीर जीलानी यांच्या निवासस्थानावरून निघून गावातील मुख्य मार्गावरून मिलादचे वाचन करत दर्गामध्ये चादर चढऊन फातीहा खाणी व दुवा संपन्न झाली व 17 रज्जब (18 जानेवारी) रोजी उर्स यात्रा व चिरागाने कार्यक्रम संपन्न झाले हे सर्व पवित्र धार्मिक कार्यक्रम मोठ्या उल्हासाने गावातील हिंदू मुस्लिम बांधव एकत्रित येऊन साजरा करतात पवित्र संदलास परिसरातील व इतर जिल्ह्यातील लहान बालक, महिला, पुरुष, वृद्ध हिंदू मुस्लिम भाविक भक्त मोठ्या संख्येने सहभागी होऊन आपल्या मनोकामना इच्छा हजरत लुल्लाह बिबी मांसाहब यांच्याकडे मागितले मोठ्या श्रद्धेने दर्शन घेतले सर्व धार्मिक कार्यक्रम गावातील हिंदू मुस्लिम बांधवानी एकत्रित येऊन मोठ्या शांततेत व भक्तिमय वातावरणात पार पाडले कुठलाही अनुचित प्रकार घडू नये म्हणून सोनपेठ पोलीस स्टेशनच्या वतीने चोख बंदोबस्त ठेवण्यात आला होता. आपले कर्तव्य म्हणून पोलीस बांधवांना दरगाह कमिटीच्या वतीनेही सहकार्य लाभले

जय भवानी मित्र मंडळ आयोजित जिजाऊ जन्मोत्सव सोहळा 2025

सोनपेठ (दर्शन) :- प्रतिवर्षी प्रमाणे याही वर्षी जय भवानी मित्र मंडळ आयोजित जिजाऊ जन्मोत्सव सोहळा 2025 सर्व महिलांसाठी विविध स्पर्धेचे आयोजन दिनांक 11 जानेवारी 2025 शनिवार रोजी श्री जगदंबा देवी मंदिर परिसर येथे सायंकाळी 6 ते 8 पर्यंत पंचक्रोशीतील सर्व महिलांसाठी विविध स्पर्धांचे आयोजन करण्यात आले आहे तसेच दिनांक 12 जानेवारी 2025 रविवार रोजी श्री जगदंबा देवी मंदिर परिसर येथेच सायंकाळी 6 ते 8 पर्यंत राजमाता राष्ट्रमाता माॅ जिजाऊ माॅ साहेबांच्या प्रतिमेचे पूजन, महिलांचे व्याख्यान व बक्षीस वितरण सोहळा संपन्न होणार आहे, अशा दोन वदिवसीय जिजाऊ जन्मोत्सव सोहळ्याचे आयोजन जय भवानी मित्र मंडळ संस्थापक अध्यक्ष बळीराम काटे व सर्व सन्माननीय सदस्य पदाधिकारी यांनी केली आहे तरी जास्तीत जास्त महिला भगिनींनी सहभाग नोंदवून कार्यक्रमाची शोभा वाढवावी असे आवाहन जय भवानी मित्र मंडळ सर्व सदस्य व पदाधिकारी यांनी केले आहे.