कौडगाव हुडा येथे जिजाऊ जयंती व स्वामी विवेकानंद जयंती साजरी

कौडगाव हुडा येथे जिजाऊ जयंती व स्वामी विवेकानंद जयंती साजरी

परळी / सोनपेठ (दर्शन) :-

परळी तालुक्यातील मौजे कौडगाव हुडा येथे जिजाऊ जयंती व स्वामी विवेकानंद जयंती पारंपारिक पद्धतीने साजरी करण्यात आली, शछत्रपती संभाजी राजे मित्र मंडळ व गावकऱ्यांच्या सार्वजनिक जिजाऊ जयंती पारंपारिक पद्धतीने साजरी करण्याचा उपक्रम हाती घेण्यात आला,जिजाऊ जयंती निमित्त सकाळच्या सत्रात ध्वजारोहण करून जिजाऊ माँसाहेब व स्वामी विवेकानंद यांच्या प्रतिमेस पुष्पहार घालून कार्यक्रमाला सुरुवात झाली यावेळी लहान मुला मुलींनी जिजाऊसाहेब यांचे विचार मांडले नंतर संध्याकाळच्या सत्रात जिजाऊ पालखी ची गावातून मृदंगाच्या तालावर मिरवणूक काढण्याचे ठरले यावेळी गावातील भजनी मंडळी महिला मंडळी शिवभक्त व गावातील लहान लहान मुली जिजाऊ बनून आल्या,जिजाऊंच्या पालखीची मिरवणूक भव्य दिव्य झाली दारोदारी रांगोळ्या काढण्यात आल्या होत्या पालखीचे आगमन होताच माय माऊली जिजाऊ दर्शन घेण्यासाठी पंचा आरतीचे ताट घेऊन जिजाऊंना मानवंदना देत होत्या.जिजाऊ पालखी मिरवणुकीनंतर जिजाऊ वंदना घेऊन सांगता करण्यात आली यावेळी छत्रपती संभाजी महाराज ग्रुप ने पूर्ण नियोजन केले होते तसेच गावातील महिला मंडळी आणि भजनी मंडळी गावकरी मंडळी यांनीही मुलाचं योगदान दिला त्याबद्दल छत्रपती संभाजी महाराज ग्रुपच्या वतीने सर्वांचे आभार मानण्यात आले.