हवामान तज्ञ पंजाबराव डख यांचा महाधन कंपनीच्या वतीने सत्कार
सेलू / सोनपेठ (दर्शन) :-
हवामानाचा अंदाज अचूक नोंदवणारे हवामान तज्ञ पंजाबराव डख यांचा सत्कार परभणी जिल्ह्यातील सेलू च्या गुगळी धामणगाव येथे महाधन कंपनीच्या वतीने करण्यात आला.गेल्या पंचवीस वर्षांपासून हवामानाचा अभ्यास करत पावसाबाबत अचूक अंदाज व्यक्त करण्यात ज्यांचा हातखंडा आहे असे पंजाबराव डख यांची महाधन कंपनीच्या वतीने मराठवाडा विभाग विपणन व्यवस्थापक संतोष कदम सह प्रशांत हावळे, वैभव दळवी यांनी भेट घेत सत्कार केला. पंजाबराव डख यांच्या अचूक अदाजा मुळे महाराष्ट्रातील शेतकऱ्यांना पावसाबाबत चे अचूक संकेत मिळत आहेत.यामुळे शेती जोपासताना शेतकऱ्यांना मोठा फायदा असुन शेतकरी वर्गात डख हे लोकप्रिय होत आहेत, शेतकऱ्यांसाठी महाधन कंपनीचेही मोठे योगदान असून या कंपनीचे खते महाराष्ट्रात सर्वाधीक विक्री होतात. शेतकऱ्यांच्या विकासासाठी बांधील असलेल्या महाधन कंपनीने बळीराजाचे हितच जोपासले आहे. शेतकऱ्यांसाठी वरदान ठरलेल्या डख यांच्या अचूक हवामान अंदाज पद्धतीमुळे त्यांच्या या सत्कार सोहळ्याचे आयोजन करण्यात आले होते असे मराठवाडा विपणन व्यवस्थापक संतोष कदम यांनी याप्रसंगी सांगितले.
No comments:
Post a Comment