सोनपेठ (दर्शन) :- सोनपेठ येथील हनुमान शिक्षण प्रसारक मंडळाचे अध्यक्ष परमेश्वर कदम यांच्या वाढदिवसानिमित्त विविध कार्यक्रमाचे आयोजन कै.र.व.कला, वाणिज्य व विज्ञान महाविद्यालयात राष्ट्रीय सेवा योजनेच्या वतीने दिनांक 22 सप्टेंबर 2025 सोमवार रोजी आरोग्य तपासणी शिबिर, रक्तदान शिबीर, रक्तगट तपासणी, गप्पी मासे वाटप व नेत्ररोग तपासणी शिबीर आदी विविध उपक्रमांचे आयोजन करण्यात आले आहे.शहरातील हनुमान शिक्षण प्रसारक मंडळाचे अध्यक्ष श्री परमेश्वर कदम यांच्या वाढदिवसानिमित्त या विविध कार्यक्रमांचे आयोजन करण्यात आले आहे. यशोदा मल्टीकेअर हॉस्पिटल सोनपेठ मार्फत 'मोफत आरोग्य तपासणी शिबिर' घेण्यात येणार आहे. तर शासकिय रक्तपेढी, स्वामी रामानंद तीर्थ ग्रामीण रुग्णालय, अंबाजोगाई यांच्याकडून रक्तदान शिबिर, विमल आय केअर हॉस्पिटल सोनपेठ तर्फे 'मोफत नेत्ररोग तपासणी' इ. उपक्रम आयोजित करण्यात आले आहेत. यावेळी प्राणीशास्त्र विभागाकडून 'गप्पी मासे वाटप व रक्तगट तपासणी' केली जाणार आहे.तरी यापैकी कुठल्याही उपक्रमात सहभागी होऊ इच्छिणाऱ्या विद्यार्थी, पालक व नागरीकांनी प्राचार्य डॉ.वसंत सातपुते, आयक्यूएसी समन्वयक प्रा.डॉ.मुकुंदराज पाटील, रासेयो कार्यक्रमाधिकारी प्रा.डॉ.बळीराम शिंदे, प्रा.डॉ.संतोष रणखांब व प्रा.अर्जुन मोरे यांच्याशी संपर्क साधावा,असे आवाहन महाविद्यालयाच्या प्रसिद्धी विभागाकडून करण्यात आले आहे.
No comments:
Post a Comment