मुळशी येथे स्वस्त धान्य दुकानास भेट ; आयएससो नामांकनास आवश्यक नियमावली पूर्ततेची केली पाहणी - छगन भुजबळ

मुळशी / पुणे / परभणी / सोनपेठ (दर्शन):-

पुणे जिल्ह्यातील मुळशी येथील दौऱ्यावर असतांना अन्न व नागरी पुरवठा मंत्री छगन भुजबळ यांनी मुळशी तालुक्यातील चाले या गावातील परवानाधारक धनजंय दाभाडे यांच्या स्वस्त धान्य दुकानास अचानकपणे भेट दिली.यावेळी शासनाने आयएससो नामांकन प्राप्त करण्यासाठी ठरवून दिलेल्या सर्व अटी व नियमांचे पालन केले जाते की नाही याबाबत छगन भुजबळ यांनी पाहणी केली. 

यावेळी आयएसओ नामांकन आवश्यक असलेल्या अटी व नियमांनुसार रेशन दुकानातील वजनमापे काटा, धान्यवाटप प्रमाणपत्र फलक, दरपत्रक फलक, जिल्हा दक्षता कमिटी बोर्ड, तालुका दक्षता कमिटी बोर्ड, परवाना फलक, अग्निशामक यंत्र, प्रथमोपचार कीट, व्हिजीट बुक, तक्रार पुस्तिका, ऑनलाईन विक्री रजिस्टर या सर्व बाबींची पूर्तता करण्यात आलेली आहे की नाही याची प्रत्यक्ष पाहणी केली. या प्रत्यक्ष पाहणी दरम्यान स्वस्त धान्य दुकानदाराकडून आयएसओ नामांकन प्राप्त करण्यासाठी आवश्यक अटी व नियमांची पूर्तता करण्यात आल्याने सदर रेशन दुकानास आयएसओ प्रमाणपत्र देण्यात यावे अशा सूचना करत छगन भुजबळ यांनी रेशन दुकानदार प्रामाणिकपणे सेवा करत असल्याबद्दल कौतुक करत आपले काम सुरु ठेवावे अशा सूचना दुकानदारास केल्या.