मा.परमेश्वर कदम यांच्या वाढदिवसानिमित्त भव्य रक्तदान शिबिर व वृक्षारोपणाचे आयोजन

मा.परमेश्वर कदम यांच्या वाढदिवसानिमित्त भव्य रक्तदान शिबिर व वृक्षारोपणाचे आयोजन 

सोनपेठ (दर्शन) : - सोनपेठ येथील हनुमान शिक्षण प्रसारक मंडळ संचलित व स्वामी रामानंद तीर्थ मराठवाडा विद्यापीठ नांदेड संलग्नित कै.र.वरपुडकर महाविद्यालयात राष्ट्रीय सेवा योजना विभागाच्या व स्वामी रामानंद तीर्थ ग्रामीण रुग्णालय अंबाजोगाईच्या वतीने दिनांक २१ सप्टेंबर २०२४ रोजी हनुमान शिक्षण प्रसारक मंडळाचे अध्यक्ष मा.परमेश्वर कदम यांच्या वाढदिवसानिमित्त महाविद्यालयात भव्य रक्तदान शिबिराचे व वृक्षारोपण कार्यक्रमाचे आयोजन करण्यात  आले आहे .

      रक्तदान हे श्रेष्ठ दान आहे.आपल्या रक्तदानामुळे एखाद्याचा जीव वाचतो.अपघातातील जखमीस जीवदान मिळते.तसेच रक्तदानामुळे आपल्या शरीरात कोणतेही दुष्परिणाम होत नाहीत.याउलट रक्ताभिसरणाची प्रक्रिया सुलभ होते.

      याशिवाय पर्यावरण संरक्षणासाठी वृक्षारोपण काळाची गरज आहे.म्हणून हे दोन्ही समाजउपयोगी उपक्रम राबवून वाढदिवस साजरा करण्याचा आमचा माणूस आहे.

   सोनपेठ तालुक्यातील तरूण तरूणी यांनी या रक्तदान शिबिरात रक्तदान करून या समाज उपयोगी उपक्रमात सहभाग नोंदवावा. असे आवाहन प्राचार्य डॉ. वसंत सातपुते, राष्ट्रीय सेवा योजना कार्यक्रम अधिकारी प्रा. डॉ. बापूराव आंधळे, प्रा.डॉ. अंगद फाजगे, डॉ . मुक्ता सोमवंशी यांनी केले आहे.

      या उपक्रमात सहभागी होण्यासाठी आमच्या पुढील संपर्क क्रमांकांवर ९४२३७७९०००, ९४२३४७२७५५, ९४२३४४४०९७ संपर्क साधावा असे आवाहन करण्यात आले आहे.