विमा चळवळीतील शिलेदारांचा कान्हेगावकऱ्याच्या वतीने भव्य नागरी सत्कार

विमा चळवळीतील शिलेदारांचा कान्हेगावकऱ्याच्या वतीने भव्य नागरी सत्कार

सोनपेठ (दर्शन) :- 

दि. 09/09/24 रोजी मौजे कान्हेगाव येथे सन 2021 मध्ये रिलायन्स  कंपनीच्या घशातून शेतकऱ्याच्या खिशात विमा आणल्याबद्दल विमा चळवळीतील सर्व शिलेदारांचा भव्य नागरी सत्कार सोहळा आयोजित करण्यात आला होता.सर्व सत्कारमूर्तींना गावातून वाजत गाजत कार्यक्रम स्थळी आणण्यात आले. या कार्यक्रमासाठी मोठ्या प्रमाणात गावकरी उपस्थित होते.

 याप्रसंगी डॉक्टर सुभाष कदम, मा. हेमचंद्रजी शिंदे, मा. विश्वांबर  भाऊ गोरवे, माननीय कृष्णाजी सोळंके मा. माधव घुन्नर सर यांचा गावकऱ्यांच्या वतीने भव्य नागरी  सत्कार करण्यात आला...

   परभणी जिल्ह्यातील सोनपेठ गंगाखेड पालम तालुक्यातील शेतकऱ्या सन 2021 मध्ये विमा चळवळीने 210 कोटी विमा मिळून दिला. यासाठी विमा चळवळीने दिल्लीपर्यंत  लढा उभारला याची माहिती डॉ. सुभाष कदम यांनी गावकऱ्यांना माहिती दिली. सोयाबीनचे हमीभाव,तसेच दुष्काळातील शेतकऱ्यांना मिळणाऱ्या अनुदानावर सरकारचा शाब्दिक खेळ याबाबत हेमचंद्र शिंदे यांनी सविस्तर मार्गदर्शन केले.तसेच सोनपेठ तालुक्यात मधील शेतकऱ्यांची विम्या बाबत असो किंवा कृषी खाते किंवा महसूल खाते याबाबत कोणतीही अडचण आली तर शेतकरी संघटना सोनपेठ ती पूर्णपणे सोडवेल असे मत श्री विश्वाभर गोरवे यांनी व्यक्त केले. तसेच विमा चळवळीमुळे परभणी जिल्ह्याला 2020, 2023  मध्ये काय फायदा झाला. आणि 2023 मध्ये पालम तालुक्यातील शेतकऱ्यांना खूप मोठ्या प्रमाणात फायदा झाला याबद्दल श्री गोविंद लांडगे सर यांनी मत मांडले.

     कार्यक्रमाच्या अध्यक्षस्थानी श्री शेषराव मोकाशे हे होते, सूत्रसंचालन श्री अवधूत गिरी सर यांनी केले तसेच आभार श्री दत्तराव कोरडे यांनी मानले. याप्रसंगी पंचक्रोशीतील  चळवळीत काम करणारे अरुण भाऊ मुंडे शिर्शी, गजानन कापसे बालासाहेब जाधव अविनाश जाधव पोहंडूळ, उमाकांत बागवाले शेळगाव, निवास यादव खडका, सुरज जाधव मोहळा,श्री महेश जोगदंड नरवाडी आदीची उपस्थित होती.