आधार नोंदणी व दुरुस्तीसाठी UIDAI ने निश्चित केलेले दर ; जादा फीस आकारणा-या आधार केंद्रचालकाची लेखी तक्रार करा
परभणी / सोनपेठ (दर्शन) :-
परभणी जिल्हयात सद्यस्थितीत 46 आधार नोंदणी केंद्र चालु आहेत.आधार क्रमांकाशी मोबाईल नंबर लिंक करणे, आधार कार्डवरील नाव,जन्मतारीख दुरुस्ती करणे ई. कामे आधार केंद्रात केली जातात.. आधार नोंदणी व दुरुस्तीसाठी UIDAI ने दर निश्चित केलेले आहेत. आधार केंद्रचालक यांनी आधार नोंदणी व दुरुस्तीसाठी UIDAI ने निश्चित केलेले दर आधार केंद्राच्या दर्शनी भागात लावावेत. आधार नोंदणी व दुरुस्तीसाठी UIDAI ने निश्चित केलेले दर खालीलप्रमाणे आहेत.
1. आधार नोंदणी हि निशुल्क (फ्री) आहे.
2.0 ते 05 वर्षानंतरीच्या अनिवार्य बायोमेट्रीक हि अपटेड निशुल्क (फ्री) आहे.
3. फिंगर प्रिंट, फोटो अद्यावतीकरण - 100 रु. शुल्क आहे.
4. पत्ता, जन्म तारीख, मोबाईल क्रमांक, अद्यावतीकरण 50 रु.शुल्क आहे.
5. आधार कार्ड डाऊनलोड आणि कलर प्रिंट 30 रु. शुल्क आहे.
नागरीकांनी आधार नोंदणी व दुरुस्तीसाठी जी फीस आकारली जाते सदर फीसची पावती संबंधित केंद्रचालक यांचेकडून हस्तगत करून घ्यावी.पावतीवर दर्शविलेली रक्कम आधार केंद्रचालक यांना अदा करावी.आधार केंद्रचालक यांनी फीसची पावती संबंधित नागरीकांना द्यावी.नागरीकांनी आधार नोंदणी व दुरुस्तीसाठी UIDAI ने निश्चित केलेल्या वरील दराप्रमाणेच संबंधित आधार केंद्रचालक यांना फीस अदा करावी.वरील शुल्कापेक्षा जादा फीस आकारणा-या आधार केंद्रचालक यांची लेखी तक्रार जिल्हाधिकारी कार्यालयास करण्याचे आवाहन जिल्हा प्रशासनाकडून करण्यात येत आहे.या प्रसिद्धी पत्रकावर डॉ. संजये कुंडेटकर,उपजिल्हाधिकारी सामान्य तथा नोडल अधिकारी परभणी यांची स्वाक्षरी आहे.
No comments:
Post a Comment