आज खासदार असदुद्दीन ओवैसी परभणीत कार्यकर्ता संवाद मेळाव्यात करणार मार्गदर्शन

आज खासदार असदुद्दीन ओवैसी परभणीत कार्यकर्ता संवाद मेळाव्यात करणार मार्गदर्शन

परभणी/सोनपेठ (दर्शन) :- ऑल इंडिया मजलीस -  ए - इत्तेहादूल पक्षाचे राष्ट्रीय अध्यक्ष असदुद्दीन ओवैसी आज रविवारी (दि. २९) परभणी जिल्हा दौऱ्यावर येत असून जलसा - ए- आम या मेळाव्यात पक्ष कार्यकर्त्यांना मार्गदर्शन करतील, अशी माहिती पक्षाचे जिल्हा समन्वयक मोहम्मद गौस झेन यांनी दिली.शहरातील धार रस्त्यावरील गोल्डन फंक्शन हॉल येथे सायंकाळी ७ वाजता जलसा ए आम या कार्यक्रमाचे आयोजन करण्यात आले असून पक्षाध्यक्ष खासदार असदुद्दीन ओवैसी, माजी खासदार इम्तियाज जलील हे येत्या स्थानिक स्वराज्य संस्था निवडणुकीच्या पार्श्वभूमीवर कार्यकर्त्यांशी संवाद साधणार आहेत.मागील काही दिवसांपूर्वी पक्षाने मोहम्मद गौस झेन यांची पक्षाच्या जिल्हा समन्वयक पदी निवड केली. त्यानंतर पक्षाची जिल्हा कार्यकारणी अजून स्थापन व्हायचे आहे. तसेच आगामी स्थानिक स्वराज्य संस्थांच्या निवडणुका संदर्भात पक्षाची रणनीती ठरविण्यासाठी ही महत्त्वाची बैठक व संवाद होत असल्याची माहिती पक्षाचे जिल्हा समन्वयक मोहम्मद गौस झेन यांनी दिली.या मेळाव्यास कार्यकर्ते व नागरिकांनी उपस्थित राहण्याचे आवाहन पक्षाचे जिल्हा समन्वयक मोहम्मद गौस सेन यांनी केले आहे

                                       __________

हाफेज अली शेर कुरेशी यांची एम.आय.एम.च्या सोनपेठ शहर समन्वयकपदी नियुक्ती

हाफेज अली शेर कुरेशी यांची एम.आय.एम.च्या सोनपेठ शहर समन्वयकपदी नियुक्ती

सोनपेठ (दर्शन) : - ऑल इंडिया मजलिस-ए-इत्तेहादुल मुस्लीमीन (एमआयएम) पक्षाच्या संघटनात्मक बांधणीसाठी राज्यभरात नियुक्त्या करण्यात येत आहेत. त्याचाच एक भाग म्हणून हाफेज अली शेर कुरेशी यांची सोनपेठ शहर समन्वयकपदी नियुक्ती करण्यात आली आहे.

ही नियुक्ती एमआयएमचे महाराष्ट्र प्रदेशाध्यक्ष तथा माजी खासदार इम्तियाज जलील यांच्या आदेशानुसार आणि परभणी जिल्हा पर्यवेक्षक वसीम अहमद यांच्या सहनिमित्ताने करण्यात आली. याप्रसंगी परभणी जिल्हा समन्वयक मोहम्मद गौस झैन यांच्या हस्ते हाफेज अली शेर कुरेशी यांना अधिकृत नियुक्तीपत्र प्रदान करण्यात आले.

ही नियुक्ती दिनांक २७ जून २०२५ रोजी करण्यात आली असून, पक्षाच्या संघटनात्मक बळकटीसाठी आणि स्थानिक पातळीवरील कार्यवाहीला अधिक गतिमान करण्यासाठी हाफेज अली शेर कुरेशी यांच्यावर ही जबाबदारी देण्यात आली आहे.

हाफेज अली शेर कुरेशी हे सामाजिक कार्यात सक्रिय असून, विविध स्तरावर त्यांचे मोलाचे योगदान राहिले आहे. त्यांच्या अनुभवाचा उपयोग पक्षाच्या संघटना विस्तारासाठी होणार असल्याचा विश्वास स्थानिक कार्यकर्त्यांनी व्यक्त केला आहे.

या नियुक्तीनंतर पक्षाच्या कार्यकर्त्यांमध्ये नवचैतन्य निर्माण झाले असून, आगामी काळात सोनपेठमध्ये एमआयएम पक्ष अधिक जोमाने काम करेल, असा विश्वास पक्ष नेत्यांनी व्यक्त केला आहे.

फार्मर आयडी (शेतकरी ओळखपत्र) ऑनलाईन निघत नाही तरी यादीत नाव समाविष्ट करुन अडचण दुर करावी

फार्मर आयडी (शेतकरी ओळखपत्र) ऑनलाईन निघत नाही तरी यादीत नाव समाविष्ट करुन अडचण दुर करावी 

सोनपेठ (दर्शन) :- 

फार्मर आयडी (शेतकरी ओळखपत्र) ऑनलाईन निघत नाही तरी यादीत नाव समाविष्ट करुन अडचण दुर करावी या विषयी मा.जिल्हाधिकारी यांना मा.तहसीलदार मार्फत विनंती निवेदन देण्यात येते की, आम्ही शेतकरी कायम झालेले अतिक्रमित गायरान धारक शेतकरी शिवार सोनखेड येथील असून गट नं. २८, २९ व २०१ असून आम्हाला मागील सन १९८० च्या अगोदर पासून शासनाने कायम केले आहे. सातबारा व होल्डिंग तसेच फेरफार सर्व आमच्याकडे आहेत परंतु आमचे नावे शेतकरी ओळखपत्र काढण्यासाठी, आमचे नाव यादीमध्ये नसल्यामुळे आमचे शेतकरी ओळखपत्र (फार्मर आयडी) निघत नाहीत. सन २०२१ पासून अगोदरच पोटखराबी न उठवल्यामुळे सर्व शेतकरी पिक विमा पासून वंचित राहिले आहेत परंतु आज फार्मर आयडीच्या अडचणीमुळे पी एम किसान सन्मान निधी योजना पण बंद पड़ते की काय ? अशी सर्वांना भीती वाटत आहे. तरी मा.साहेबांना आम्हा सर्वांची विनंती आहे की, आपण स्वतः आमच्या अर्जाकडे लक्ष घालून काय अडचण आहे ? ती पाहून आम्हाला भविष्यात येणारा खरीप पिक विमा भरण्यास मदत व्हावी व फार्मर आयडी (शेतकरी ओळखपत्र) आमच्या नावे मिळेल अशी व्यवस्था करावी हीच आम्हा सर्वांची कळकळीची विनंती केली आहे,निवेदनावर बालासाहेब सोनवणे, किसन मुंढे, बळीराम आगळे, दत्ता मुंढे, दीपक वडकर, साहेबराव आगळे, तुकाराम आगळे, ग्यानोबा भोकरे, सुंदराबाई बोकरे, भिकाजी बोकरे, नारायण आगळे, गोदाबाई आदमाने, दादाराव बोकरे, वामन बोकरे, आबाजी बोकरे, बळीराम आगळे, सूर्यभान रणदिवे व आशिष भैय्या मुंढे आदिच्या स्वाक्षरी आहेत.

__________________________________________

सा