सर्व धर्मीय समाज बांधवांनी महात्मा बसवेश्वर जयंती निमित्त अभिवादनास 30 एप्रिल बुधवार रोजी उपस्थित रहावे - सुभाषआप्पा नित्रुडकर
सोनपेठ (दर्शन) :- सोनपेठ येथे प्रति वर्षाप्रमाणे याही वर्षी अक्षय तृतीया दिनांक 30 एप्रिल 2025 बुधवार रोजी सकाळी ठीक 10 वाजता "छत्रपती शिवाजी महाराज चौक" येथील नित्रुडकर काॅम्प्लेक्स येथे सर्व धर्मीय समाज बांधवांनी "जगतज्योती महात्मा बसवेश्वर" यांच्या जयंती निमित्त अभिवादनास उपस्थित रहावे असे आवाहन सुभाषआप्पा नित्रुडकर मराठवाडा अध्यक्ष अखिल भारतीय विरशैव लिंगायत महासंघ यांनी केले आहे, बसवण्णांनी मंगळवेढा येथे “लोकशाही संसद म्हणजेच ‘अनुभव मंडपाची’ स्थापना केली.या अनुभव मंडपात सर्व धर्मातील लोक एकत्र येऊन सामाजिक अडचणींवर कशी मात करावी यावर चर्चा करण्याचे कार्य चालत असे.बसवण्णांनी समाजातील रूढीपरंपरा, वाईट चालीरीती यांना विरोध करून समाजाच्या हितकारक गोष्टींची अंमलबजावणी करणारी नवीन यंत्रणा तयार केली.(बाराव्या शतकातील आदर्श प्रशासक, समतेचे प्रणेते म्हणून "महात्मा बसवेश्वरांना" ओळखले जाते.) सर्व प्रथम लोकशाही मूल्याची सुरूवात ही "महात्मा बसवेश्वरांनी" 12 व्या शतकात "अनूभव मंडपाच्या" माध्यमातून केल्याचे वचन साहित्यातून दिसून येते.एकूणच त्यांनी वचन साहित्यात समता, मूल्य, न्याय, बंधूता,एकात्मता, स्वातंत्र्य, अधिकार, नियंत्रण, शिस्त, सूशासन आणि प्रशासन आदी बाबींवर हि सखोल विवेचन केले आहे,सोनपेठ शहरातील सर्व धर्मीय समाज बांधवांनी, सर्व राजकीय पक्ष प्रमुख, जय भवानी मित्र मंडळ, छत्रपती शिवाजी महाराज मित्र मंडळ, इखरा मित्र मंडळ, जन सेवा मित्र मंडळ, आरंभ प्रतिष्ठान, जय सेवालाल मित्र मंडळ, श्री रंगनाथ महाराज प्रतिष्ठान, सार्वजनिक डॉ बाबासाहेब आंबेडकर जयंती महोत्सव कमिटी, गुरुवार भजनी मंडळ, सेवानिवृत्त कर्मचारी संघटना, शिवशक्ती मित्र मंडळ, भीमगड मित्र मंडळ, लहुजी नगर मित्र मंडळ, छत्रपती संभाजीनगर मित्र मंडळ, अष्टविनायक मित्र मंडळ, गुरुवार भजनी मंडळ, एकता मित्र मंडळ, रोटरी क्लब सोनपेठ, सुमित भैय्या पवार मित्र मंडळ, सर्व मित्र मंडळ, सर्व समाज संघटना, सर्व व्यापारी असोसिएशन,सर्व सामाजिक कार्यकर्ते व सर्व धर्मिय बसव प्रेमीं आदिंसह समस्त वीरशैव लिंगायत समाज बांधव यांनी मोठ्या संख्येने उपस्थित राहून "जगतज्योती महात्मा बसवेश्वर" यांच्या जयंतीनिमित्त अभिवादन करून कार्यक्रमाची शोभा वाढवावी, असे आवाहन अखिल भारतीय वीरशैव लिंगायत महासंघ मराठवाडा अध्यक्ष सुभाषआप्पा नित्रुडकर यांनी केले आहे.
No comments:
Post a Comment