दीपस्तंभ प्रतिष्ठान व हनुमान शिक्षण प्रसारक मंडळ तसेच नगर परिषद आयोजित भव्य महाआरोग्य शिबीरात गरजवंतानी नाव नोंदणी करुन सहभाग नोंदवावा

दीपस्तंभ प्रतिष्ठान व हनुमान शिक्षण प्रसारक मंडळ तसेच नगर परिषद आयोजित भव्य महाआरोग्य शिबीरात गरजवंतानी नाव नोंदणी करुन सहभाग नोंदवावा

सा.सोनपेठ दर्शन सोनपेठ तालुक्यातील एकमेव सडेतोड वृत्तपत्र जाहिरात व बातमी संपर्क मो.9823547752.

सोनपेठ (दर्शन) :- दीपस्तंभ प्रतिष्ठान व हनुमान शिक्षण प्रसारक मंडळ, सोनपेठ यांच्या संयुक्त विद्यमाने मा.ना.सौ. मेघना दिदी बोर्डिकर-साकोर (राज्यमंत्री, महाराष्ट्र राज्य तथा पालकमंत्री परभणी) यांच्या जन्मदिनानिमित्त व कै.राजाभाऊ दादाराव कदम यांच्या जयंती निमित्त "भव्य महाआरोग्य शिबीर" आयोजित करण्यात आले आहे.हे शिबीर शुक्रवार, १० एप्रिल २०२६ ठिक सकाळी १० वाजल्यापासून सुरुवात होईल,छत्रपती शिवाजी महाराज सांस्कृतिक सभागृह, सोनपेठ जि.परभणी या ठिकाणी याशिबीरात - तज्ञ डॉक्टर मार्फत सर्व रोगांच्या तपासण्या व मोफत शस्त्रक्रिया, मोतीबिंदू, मुतखडा, मनक्याची शस्त्रक्रिया, कान-नाक घसा शस्त्रक्रिया, हाडाचे फ्रॅक्चर, स्त्रीची शस्त्रक्रिया, कॅन्सर शस्त्रक्रिया, यकृताची शस्त्रक्रिया, किडणीचे आजार, डोळ्याचा तिरळेपणा, अन्न नलीका शस्त्रक्रिया, अपेंडेक्स वरील सर्व शस्त्रक्रिया या महात्मा फुले जन आरोग्य योजने अंतर्गत मोफत करण्यात येतील. उद्घाटक: मा.श्री.परमेश्वर राजाभाऊ कदम (नगराध्यक्ष न.प. सोनपेठ), प्रमुख उपस्थिती: श्री. रंगनाथराव सोळंके (प्रदेश सरचिटणीस,भा.ज.पा. किसान मोर्चा महाराष्ट्र), सौ.विद्याताई मुंजाभाऊ धोंडगे (सदस्या जि.प.परभणी), श्री.बळीरामजी पवार (मा.जिल्हाधिकारी तथा नगरसेवक न.प.सोनपेठ), श्री. दत्ताराव काका कदम (मा.उपनगराध्यक्ष न.प. सोनपेठ), श्री. जयप्रकाश बचाटे (गट नेते प.स.सोनपेठ), श्री.रामप्रसाद यादव (सरपंच), हाजी सद्दाम हुसेन (ग नेते न.प.सोनपेठ), श्री.अजय भैय्या देशमुख (सरपंच) व सर्व सन्माननीय नगरसेवक न.प. सोनपेठ.आयोजक नगर परिषद सोनपेठ व हनुमान शिक्षण प्रसारक मंडळ,सोनपेठ तसेच दीपस्तंभ प्रतिष्ठान,परभणी.संयुक्त विद्यमाने नाव नोंदणीसाठी संपर्क - संतोष आंबुरे - 7020531637, आशोक शेटे - 7397929536, जावेद शेख - 9804049999 सर्व गरजवंतानी नाव नोंदणी करुन सहभाग नोंदवावा असे आवाहन केले आहे.

संघटन सृजन अभियानाला परभणीत वेग ; काँग्रेसची मोठी संघटनात्मक पुनर्रचना सुरू जिल्हाध्यक्ष व ब्लॉक अध्यक्षांची निवड लवकरच

संघटन सृजन अभियानाला परभणीत वेग ; काँग्रेसची मोठी संघटनात्मक पुनर्रचना सुरू

जिल्हाध्यक्ष व ब्लॉक अध्यक्षांची निवड लवकरच

सा.सोनपेठ दर्शन सोनपेठ तालुक्यातील एकमेव सडेतोड वृत्तपत्र जाहिरात व बातमी संपर्क मो. 9823547752.

परभणी/सोनपेठ (दर्शन) :-

काँग्रेस पक्षाच्या ‘संघटन सृजन अभियान’ अंतर्गत परभणी जिल्ह्यात संघटनात्मक पुनर्रचनेला वेग देण्यात आला असून, या पार्श्वभूमीवर परभणी शहर जिल्हा काँग्रेस कमिटीच्या वतीने स्टेशन रोड येथील हॉटेल नीरज येथे पत्रकार परिषद आयोजित करण्यात आली.

पत्रकार परिषदेपूर्वी परभणी शहरातील काँग्रेस कार्यकर्त्यांची महत्त्वपूर्ण बैठक घेण्यात आली. या बैठकीचे प्रास्ताविक शहर जिल्हाध्यक्ष नदीम इनामदार यांनी केले. बैठकीत केंद्रीय निरीक्षक अझमतुल्लाह हुसेनी यांनी ‘संघटन सृजन अभियान’ची सविस्तर माहिती देत संघटन कसे बळकट करायचे, बूथ स्तरावर कामाची प्रभावी रचना कशी करायची आणि कार्यकर्त्यांनी सक्रिय भूमिका कशी निभवायची याबाबत मार्गदर्शन केले.

या बैठकीत निरीक्षक मा. जितेंद्र देहाडे, मा. दादासाहेब मुंढे, माजी खासदार तुकाराम रेंगे पाटील, माजी आमदार सुरेशदादा देशमुख, बाळासाहेब देशमुख, सिद्धार्थ हत्तीअंभीरे, मुजाहीद खान, उपमहापौर गणेश देशमुख, जिल्हा परिषद गटनेते अजित वरपूडकर, आलमगीर खान, भगवान वाघमारे,अमोल जाधव, रामभाऊ घाडगे, सत्तार इनामदार, मिन्हाज कादारी, अकबर जहागीरदार, रवी सोनकांबळे आणि सिद्धार्थ भराडे यांनी मनोगत व्यक्त करत संघटन बळकटीसाठी एकजूट आणि सक्रिय कामाची गरज अधोरेखित केली.

कार्यक्रमाचे सूत्रसंचालन अतिकउर रहमान खान यांनी केले, तर आभार प्रदर्शन सुहास पंडित यांनी केले.

यानंतर झालेल्या पत्रकार परिषदेत केंद्रीय निरीक्षक अझमतुल्लाह हुसेनी, जितेंद्र देहाडे, दादासाहेब मुंढे तसेच जिल्ह्यातील काँग्रेस नेते उपस्थित होते. यावेळी ‘संघटन सृजन अभियान’ची रूपरेषा, बूथ स्तरावरील संघटन मजबुतीकरण आणि जिल्ह्यातील आगामी संघटनात्मक बदल याबाबत सविस्तर माहिती देण्यात आली.

अभियानाअंतर्गत परभणी जिल्हा काँग्रेस कमिटीसाठी शहर जिल्हाध्यक्ष तसेच ब्लॉक अध्यक्षांची निवड करण्यात येणार असल्याचे सांगण्यात आले. या निवड प्रक्रियेत कार्यकर्त्यांचे मत, स्थानिक पातळीवरील प्रतिमा तसेच सामाजिक कार्याचा आढावा घेऊन योग्य उमेदवारांची निवड केली जाईल, असे निरीक्षकांनी स्पष्ट केले.

यावेळी बोलताना अझमतुल्लाह हुसेनी यांनी सांगितले की, जिल्हाध्यक्ष व ब्लॉक अध्यक्ष पदासाठी उमेदवार किमान तीन वर्षे पक्षात सक्रिय असलेला कार्यकर्ता असणे आवश्यक आहे. तसेच सिव्हिल सोसायटीमध्ये त्यांची प्रतिमा आणि कामगिरी यालाही प्राधान्य दिले जाणार आहे. पात्रतेचे निकष पूर्ण न करणाऱ्यांना संधी दिली जाणार नाही, असेही त्यांनी स्पष्ट केले.

परभणी जिल्ह्यातील काँग्रेस संघटनात्मक बांधणीला नवसंजीवनी मिळण्याची अपेक्षा व्यक्त करण्यात येत आहे.